MANATU TAFITŌ | ʼE FEAFEAʼI HAKOTOU FAKAOVI KI TE ʼATUA?
ʼE Mole ʼi Ai He Tahi Faʼahiga Maʼuli ʼe Lelei Age
Kotea ʼae ʼe tonu ke tou fai ke tou fakaovi ai ki te ʼAtua? Neʼe tou vakaʼi ia te ʼu faʼahi ʼe tonu ke tou fai ke tou felogoʼi lelei ai mo ia:
Ke tou iloʼi pea mo fakaʼaogaʼi ia te huafa ʼo te ʼAtua, ko Sehova.
Ke tou felogoʼi tuʼumaʼu mo ia ʼi te faikole, pea mo ako tana Folafola, te Tohi-Tapu.
Ke tou faiga ke tou fai ia te ʼu faʼahi ʼae ʼe fiafia ai ia Sehova.
Kotou fakaʼaogaʼi tona huafa, mo faikole kia te ia, mo ako tana Folafola mo fai ia te ʼu faʼahi ʼae ʼe fiafia ai tona loto pea ʼe kotou fakaovi ai ki te ʼAtua
ʼE ʼi ai koa he ʼu faʼahi ʼe ʼaoga ke kotou fai ke kotou fakaovi ai ki te ʼAtua? ʼE moʼoni ʼe tonu ke tou faiga malohi ki ai, he ʼe ʼi ai pe ʼona fua lelei.
ʼE ui fenei e Jennifer, mai Amelika: “Ko te ʼu faiga fuli ʼe kotou fai ke kotou felogoʼi lelei mo te ʼAtua, ʼe mole alu noa anai. ʼE lahi te ʼu tapuakina ʼe au maʼu mai ai: ʼE malohi ai taku tui, pea ʼe au mahino lelei ai ki tona ʼulugaaga, kaʼe ʼe laka age pe ia toku ʼofa ʼae kia te ia. ʼE mole ʼi ai he tahi faʼahiga maʼuli ʼe lelei age.”
Kapau ʼe kotou loto ke kotou felogoʼi lelei mo te ʼAtua, ʼe fiafia anai ia te kau Fakamoʼoni ʼa Sehova ʼi te tokoni atu. ʼE feala ke natou fakatuʼutuʼu he ako Tohi-Tapu mo koutou, ʼe mole totogi. ʼE natou toe fakaafeʼi atu koutou ki ʼonatou Fale Fono, ʼe kotou fiafia anai ʼi takotou fakatahi mo natou ʼae ʼe natou fakamaʼuhigaʼi ia tanatou felogoʼi ʼae mo te ʼAtua. * Kapau ʼe kotou fai ia te faʼahi ʼaia, ʼe kotou logoʼi anai mo koutou ia te manatu ʼae neʼe maʼu e te tagata faipesalemo ʼae neʼe ina ui fenei: “Kia au, ko taku fakaovi ki te Atua, koena toku koloa.”—Pesalemo 73:28.
^ pal. 9 Kapau ʼe kotou loto ke fai hakotou ako Tohi-Tapu peʼe ke kotou maʼu he Fale Fono ʼe tuʼu ovi kio koutou, fakalavelave kia ia ʼae neʼe ina tuku atu ia te nusipepa ʼaeni, peʼe kotou kumi ʼi tamatou tuʼasila ʼi te Neti www.ps8318.com /wls. Kotou vakaʼi ʼi te PASINA TAFITŌ › FAKAUI MAI, ʼi te lalo pasina.