Pesalemo 97:1-12
97 Kua Hau ia Sehova!+
Ke fakafiafia te kele.+
Ke fakafiafia te ʼatu motu.+
2 ʼE ʼa takai ia ia e te ʼu ʼao mo te fakapoʼuli gaogao.+Ko te fakatafito ʼo tona hekaʼaga fakahau ʼe ko te faitotonu mo te aga fakahagatonu.+
3 ʼE ulo he afi ʼi ʼona muʼa+Pea ʼe ina tutu ʼona fili ʼi te ʼu faʼahi fuli.+
4 ʼE tapa tana hila pea malamagia ai te fenua.ʼE galulu te kele ʼi tana sio ki te faʼahi ʼaia.+
5 ʼE hage te ʼu moʼuga ia muʼa ʼo Sehova ko he sela kua huhuʼa,+Ia muʼa ʼo te ʼAliki ʼo te kele katoa.
6 ʼE kalagaʼi e te ʼatu lagi tana faitotonu,Pea ʼe sisio te hahaʼi fuli ki tona kololia.+
7 Ke ufiufi ia natou fuli ʼae ʼe tauhi ki he fakatata,+Ia natou ʼae ʼe fiameʼameʼa ʼi ʼonatou ʼatua vaʼiganoa.+
ʼU ʼatua fuli, kotou tulolo ʼi ʼona muʼa.*+
8 ʼE logo ia Sione pea ʼe fakafiafia.+ʼE toe fakafiafia mo te ʼu kolo* ʼo Suta,ʼUhi ko ʼau faifakamau, Sehova e.+
9 Ko koe Sehova e, te Maʼoluga ʼi te kele katoa.ʼE ke maʼoluga age koe ʼi te ʼu ʼatua fuli ʼae.+
10 Ia koutou ʼae ʼe ʼoʼofa kia Sehova, kotou fehihiʼa ki te meʼa ʼae ʼe kovi.+
ʼE ina puipui te maʼuli ʼo tana kau agatonu.+ʼE ina haofaki natou mai te nima* ʼo te kau agakovi.+
11 Kua mu te malama maʼa te kau faitotonu,+Pea kua fakafiafia ia natou ʼae ʼe lelei ʼonatou loto.
12 Hahaʼi faitotonu, kotou fakafiafia ʼo ʼuhiga mo Sehova,Pea kotou vikiʼi tona huafa taputapu.
