Selemia 17:1-27
17 “Kua tohi te agahala ʼa Suta ʼaki he peni ukamea.
Kua togi ʼaki he taimani ʼi ʼonatou lotoMo te ʼu tala ʼo ʼonatou ʼaletale,
2 Kae ʼe manatuʼi ia e ʼonatou foha ʼonatou ʼaletale mo ʼonatou pou ʼakau taputapu*+ʼAe ʼe tutuʼu ovi ki he fuʼu ʼakau maʼuli lelei, ʼi te ʼu kiʼi moʼuga,+
3 Pea mo te ʼu moʼuga ʼae ʼe tutuʼu ʼi te ʼu koga meʼa laulahi.
ʼE au tuku anai ke kaihaʼa ʼau meʼa lelei, ʼou koloa fuli,+ ʼei ʼou faʼahi maʼoluga,ʼUhi ko te agahala ʼae ʼe ke fai ʼi ʼou fenua kehekehe.+
4 ʼE ke fakafisi totonu anai ki te tofiʼa ʼae neʼe au foaki atu.+
ʼE au fakamaʼua anai kia koe ke ke tauhi ki ʼou fili ʼi he fenua ʼe mole ke iloʼi,+He ʼe kua mu toku hauhau ohage he afi ʼuhi ko koe.*+
Pea ʼe mu anai ʼo talu ai.”
5 Koʼeni te folafola ʼa Sehova:
“Malaʼia te tagata ʼae ʼe falala ki ni tagata pe,+ʼAe ʼe falala ki te malohi fakatagata+Pea ʼe lituʼa kia Sehova.
6 ʼE hage anai ko he fuʼu ʼakau ʼe tuʼu tokotahi ʼi te toafa.
ʼE mole hoko anai he meʼa lelei ki ai,Kae ʼe nofo anai ʼi ni koga meʼa moamoa ʼi te toafa,ʼI he kele konakona ʼe mole feala ke maʼuli ai he tahi.
7 ʼE tapuakina te tagata ʼae ʼe falala kia Sehova,ʼAe ʼe ina tuku tana ʼamanaki* kia Sehova.+
8 ʼE liliu anai ohage ko he fuʼu ʼakau ʼe to ovi ki te vai,Pea ʼe mafola ʼona aka ki te tafega vai.
ʼE mole ina logoʼi anai te momofi ʼo te vela,Pea ʼe failaulau anai.+
ʼI te taʼu ʼo te taʼi laʼa, ʼe mole tuʼania anaiKae ʼe fua tuʼumaʼu pe anai.
9 ʼE kaka te loto ʼo laka age ia meʼa fuli, ʼe fakatupu tuʼutamaki.*+
Ko ai ʼae ʼe feala ke ina iloʼi?
10 Ko au Sehova ʼe au sivisivi te loto,+ʼE au sivisivi te ʼu manatu lolotoKe au foaki ai ki te takitokotahi ʼo mulimuli pe ki tana agaPea mo ʼana gaue.+
11 Ko ia ʼae ʼe ina tanaki fakakaka he ʼu koloaʼE hage ia ko he manulele ʼe ina tanaki he ʼu fuaʼi moa neʼe mole ina fakato.+
ʼE puli anai ʼona koloa ʼi tona temi malohi,Pea ʼe ha ai anai tana mole aga fakapotopoto.”
12 Kua fakakololiaʼi te hekaʼaga fakahau ʼo te ʼAtua talu mai te kamataʼaga.Pea ʼe tuʼu ʼi ai totatou sagatualio.+
13 Sehova e, te ʼamanakiʼaga ʼo Iselaele,ʼE ufiufi anai ia natou fuli ʼae ʼe natou liʼaki koe.
ʼE tohi anai ʼi te efu te ʼu higoa ʼo natou ʼae ʼe fakamamaʼo ia koe,*+Koteʼuhi neʼe natou liʼaki ia koe Sehova, te matapuna ʼo te vai maʼuli.+
14 Sehova e, fakamalolo au pea ʼe au malolo anai.
Haofaki au pea ʼe haofaki anai au,+He ʼe ko koe ʼae ʼe au vikiʼi.
15 Koʼeni ʼe ui mai e ʼihi:
“Kua feafeaʼi koa te fakakikite ʼa Sehova?+
Ke fakahoko foki!”
16 Kae kia au neʼe mole au fakafisi ki taku gaue tauhi ovi pea mo mulimuli ia koe,Neʼe mole au fakaʼamu ke hoko te ʼaho ʼo te malaʼia.
Pea ʼe ke iloʼi lelei te ʼu palalau ʼae neʼe au puʼaki.Neʼe hoko te ʼu meʼa fuli ʼaia ʼi ʼou muʼa.
17 ʼAua naʼa ke fakatupu te mataku ia au.
Ko koe toku nonoʼaga ʼi te temi ʼo te malaʼia.
18 Ke ufiufi ia natou ʼae ʼe natou fakatagaʼi au,+Kae ke ʼaua naʼa au ufiufi.
Ke natou matataku,Kae ke ʼaua naʼa au mataku.
Fakahoko kia natou te ʼaho ʼo te malaʼia,+Laliki ia natou, ʼei, pulihi fuli ia natou.
19 Koʼeni ʼe ui mai e Sehova: “Alu ʼo tuʼu ʼi te matapa ʼo te ʼu foha ʼo te hahaʼi, te matapa ʼae ʼe fehufi ai te ʼu hau ʼo Suta ki loto pea feulufi ai ki tuʼa, pea ke toe alu ʼo tuʼu ʼi te ʼu matapa fuli ʼo Selusalemi.+
20 ʼE ke ui anai kia natou: ‘Kotou fagono ki te folafola ʼa Sehova, ia koutou ʼu hau ʼo Suta, mo koutou fuli ʼu tagata ʼo Suta pea mo koutou fuli hahaʼi ʼo Selusalemi ʼae ʼe feulufi ʼi te ʼu matapa ʼaia.
21 Koʼeni te folafola ʼa Sehova: “Kotou tokakaga kia koutou totonu: ʼI te ʼaho ʼo te Sapato, ʼaua naʼa kotou ʼamo he kavega pea ʼaua naʼa kotou fakahu he kavega ʼi te ʼu matapa ʼo Selusalemi.+
22 ʼI te ʼaho ʼo te Sapato, ʼe mole tonu ke kotou ʼave ki tuʼa he kavega ʼi ʼokotou ʼapi, pea ʼe mole tonu ke kotou fai he gaue.+ Ke taputapu tuʼumaʼu te ʼaho ʼo te Sapato ohage pe ko taku fakatotonu ki ʼakotou kui.+
23 Kae neʼe mole natou fakalogo peʼe tokakaga mai. Neʼe natou uigataʼa ʼo mole natou fakalogo, ʼei, neʼe mole natou tokagaʼi te fakatonutonu.” ’+
24 “ ‘ ʼE ui e Sehova: “Kapau ʼe mole kotou fakahu he kavega ʼi te ʼu matapa ʼo te kolo ʼaeni ʼi te ʼaho ʼo te Sapato, pea mo kotou haga fakaʼapaʼapa ki te Sapato ohage ko he ʼaho taputapu ʼo mole kotou fai he gaue ʼi te ʼaho ʼaia,+
25 ʼe fehufi anai ʼi te ʼu matapa ʼo te kolo ʼaeni te ʼu hau mo te ʼu tama ʼaliki ʼae ʼe ʼafio ʼi te hekaʼaga fakahau ʼo Tavite,+ ʼe natou heheka ʼi ni saliote mo ni hosi, ʼei, ʼe fehufi anai te ʼu hau mo ʼanatou tama ʼaliki, te ʼu tagata ʼo Suta pea mo te hahaʼi ʼo Selusalemi.+ Pea ʼe nofoʼi anai te kolo ʼaeni ʼo talu ai.
26 ʼEi, ʼe ʼomai anai te hahaʼi mai te ʼu kolo ʼo Suta, mo te ʼu tafaʼaki ʼo Selusalemi, mo te fenua ʼo Pesamino,+ mo te potu fenua malalo,+ mo te potu moʼugaʼia pea mo te Nekepe.* ʼE natou ʼaumai anai ki te fale ʼo Sehova+ ni holokoseta,+ mo ni sakilifisio,+ mo ni molaga meʼa kai,+ mo te iseso hina pea mo te ʼu sakilifisio ʼo te fakafetaʼi.
27 “ ‘ “Kae kapau ʼe mole kotou fakalogo mai, kapau ʼe mole kotou fakaʼapaʼapa ki te Sapato ohage ko he ʼaho taputapu, kapau ʼe kotou ʼamo ni kavega pea mo kotou fakahu ni kavega ʼi te ʼu matapa ʼo Selusalemi ʼi te ʼaho ʼo te Sapato, ʼe au tutu anai te ʼu matapa ʼo Selusalemi. ʼE ʼosiʼosi anai ʼona tule malohi+ pea ʼe mole mate anai te afi.” ’ ”+
Nota
^ Vakaʼi Te ʼu Kupu.
^ Peʼe lagi “He neʼe ke hage ko he afi neʼe mu ʼi toku hauhau.”
^ Peʼe “falala.”
^ Peʼe lagi “ ʼe mole hona faitoʼo.”
^ Hep. “ia te au,” ʼe mahino ia, ʼe fakaʼuhiga kia Sehova.
^ Peʼe “potu saute.”
