Ãhã bötö mono na hã datsina damro duré danhorõwa ꞌre romnhimimnhatsi hã te tihöiba. E ĩtsada hã família norĩ te te tsima ĩrowẽ dzaꞌra da hã. Ãté pire di, tadzahã marĩ ĩré hã te te daꞌapawaptob da hã. Ãhã ĩtsõrédzé hã uburé petse datsina damro na hã te te watsuꞌu õ nherẽ, Bíblia nhimirowahutu nhimidzaprõni ahö na te tihöiba, ta norĩ hã umnhatsi di duré nimahã watsuꞌudzé hã ĩwẽ uptabi família norĩ ma hã ĩhöimana dzaꞌra na hã. Õ norĩ dzarina ꞌre aihöimana mono wamhã, atsitsãnawã norĩ te dza tsima rowẽ dzaꞌra.