IiNdumiso 9:1-20
Kumalathisi; idlalwa ngeMute-labhen.* Ingoma emnandi kaDavide.
א [Aleph]
9 Ndiza kukudumisa, Yehova, ngentliziyo yam yonke;Ndiza kuthetha ngayo yonke imisebenzi yakho emangalisayo.+
2 Ndiza kuvuya ndize ndizingombe isifuba ngawe;Ndiza kulidumisa ngengoma* igama lakho, wena ungOyena Uphakamileyo.+
ב [Beth]
3 Xa iintshaba zam zirhoxa,+Ziza kukhubeka zize zitshabalale phambi kwakho.
4 Kuba uyazithethelela izenzo zam zobulungisa;
Uhlala etroneni yakho ugwebe ngobulungisa.+
ג [Gimel]
5 Ukhalimele iintlanga,+ waza wabatshabalalisa abenzi-bubi,Ulicime ngonaphakade kanaphakade igama labo.
6 Iintshaba uzitshabalalise ngonaphakade,Wancothula nezixeko zazo,Watshayela kwanto enokwenza nazo.+
ה [He]
7 Kodwa yena uYehova ungukumkani ngonaphakade;+Uyizinzise yomelela ngobulungisa itrone yakhe.+
8 Uza kuwugweba ngobulungisa wonke umhlaba;+Uza kuziwisela izigwebo ezisemthethweni iintlanga.+
ו [Waw]
9 UYehova uza kuba yindawo ekhuselekileyo*+ kwabo bacinezelwayo,Indawo yokubalekela ngamaxesha anzima.+
10 Baza kuthembela kuwe abo balaziyo igama lakho;+Wena Yehova+ soze ubalahle abo bakukhangelayo.
ז [Zayin]
11 Mdumiseni ngengoma uYehova ohlala eZiyon;Zithetheni ezizweni izinto azenzileyo.+
12 Kuba Lowo ungumphindezeli wegazi labo uyabakhumbula;+Akazukusilibala isikhalo sabasentlungwini.+
ח [Heth]
13 Ndenzele ububele Yehova; ndicela uyibone intlungu yam eyenziwe ngabo bandicaphukelayo,Wena undiphakamisayo kwiigeyithi zokufa,+
14 Ukuze ndizithethe kwiigeyithi zentombi yaseZiyon+ zonke izinto ezintle ozenzileyo,Nokuze ndivuyiswe ziindlela ondisindise ngazo.+
ט [Teth]
15 Iintlanga zeyele kumhadi eziwembileyo;Unyawo lwazo lubanjiswe ngumnatha obufihlwe kwazizo.+
16 UYehova waziwa ngomgwebo awuwisileyo.+
Umenzi-bubi ubanjiswa ngumsebenzi wezandla zakhe.+
Higayoni.* (Selah)
י [Yod]
17 Abenzi-bubi baza kubuyela engcwabeni,*Zonke iintlanga ezimlibalayo uThixo.
18 Kodwa amahlwempu awazukulityalwa ngokupheleleyo;+Nethemba labalulamileyo soze litshabalale.+
כ [Kaph]
19 Ndicela uphakame Yehova! Sukuvumela umntu ofayo oyise.
Mazigwetywe iintlanga phambi kwakho.+
20 Zibethe ngoloyiko, Yehova,+Iintlanga mazazi ukuba zingabantu nje abafayo. (Selah)
Umbhalo osemazantsi
^ Okanye “kuliqambela ingoma.”
^ Okanye “ephakamileyo nekhuselekileyo.”
^ Funda Ingcaciso Yamagama.
^ Funda Ingcaciso Yamagama.
