Yobhi 16:1-22
16 UYobhi waphendula wathi:
2 “Kudala ndaziva izinto ezinje.
Nonke ningabathuthuzeli abayinkathazo!+
3 Uza kuyeka nini ukuthetha izinto ezingekhoyo?*
Yintoni ekwenza uthethe ngolu hlobo?
4 Nam ndiyakwazi ukuthetha njengani.
Ukuba benisezihlangwini zam,Nam bendinokunigxeka,Ndinikine intloko.+
5 Kunoko, bendiza kunomeleza ngamazwi am,Ndinithuthuzele ngemilebe yam.+
6 Ukuba ndiyathetha, intlungu yam ayipheli,+Nokuba ndithule, kusafana.
7 Kodwa ngoku uThixo undityhafisile;+Uyichithe yonke indlu yam.
8 Undibamba ngesixhanti, ibe loo nto ibonakala nakubani na,Kuba ukubhitya kwam kuyandimangalela.
9 Umsindo wakhe undidlakazile, ibe uyandizonda.+
Unditshixizela amazinyo.
Utshaba lwam lundijamele.+
10 Iintshaba zam zivule imilomo yazo zifuna ukundiginya;+Zindiqhwabe ngempama zindithuka;Zindipakanyela ziligquba.+
11 UThixo undihlaselisa ngamakhwenkwe;Undiphosa ezandleni zabantu abanobubi.+
12 Ndandizonwabele, kodwa yena wandidlakazelisa;+Wandithi nqaku entanyeni, wandityumza,Wajolisa iintolo zakhe kum.
13 Abatoli bakhe bandirhangqile;+Ugqobhoza izintso zam+ engenalusizi;Uyiphalazela emhlabeni inyongo yam.
14 Ugqobhoza kum ngathi ndiludonga;Undihlasela oku kwekroti.
15 Ndinxibe ilaphu lokwenza ingxowa;+Isidima sam ndisingcwabile.+
16 Ubuso bam bubomvu kukulila,+Neenkophe zam zide zamnyama,*
17 Nakuba izandla zam zingazange zanabundlobongela,Nomthandazo wam umsulwa.
18 Owu mhlaba, sukuligquma igazi lam!+
Masivakale isikhalo sam!
19 Nangoku nje ingqina lam lisemazulwini;Lowo unokundithethelela ukude lee phezulu.
20 Oogxa bam bahlekisa ngam,+Ngoxa ndililela kuThixo.*+
21 Makubekho umlamli phakathi kwam noThixo,Njengaphakathi kwabantu ababini.+
22 Kuba kushiyeke iminyaka embalwa,Ndihambe endleleni yabangabuyiyo.+
Umbhalo osemazantsi
^ Okanye “ezihlabayo.”
^ Okanye “zaba nethunzi lokufa.”
^ Okanye kusenokwenzeka, “ndijonge kuThixo ndiphuthelwe.”
