YOOSOMA 07

Yehova Ori Dhai?

PLAY

Yehova Ori Dhai?

Vaavo nnimuupuwela nnyu Yehova Muluku, nnuupuwela wiira yeene ori dhai? Niire nyuwo nnuupuwela wiira owo tooweryasa ni ori ottaiwene ni nyuwo nkhama dhiidhaale itthitteeri wiirimu? Aahiidho nnuupuwela wiira kahi ntthu masi ikuru dha ephattu nkhama etari? Masi Yehova ori dhai? Biibiliya onninileela mikhalelo dha Yehova ni wiira owo onninicali.

1. Seeni nihinwerya nhu omoona Muluku?

Biibiliya onlotta wiira “Muluku ti Munepa.” (Yohani 4:24) Elo enoonihera wiira Yehova khaana erutthu ya opinataamu. Ndho owo nnepa ni onkhala wiirimu, opuro yoowo nihinwerya nhu woona.

2. Mikhalelo seeni Yehova oriiyena?

Ekhweeli wiira hiyo khaninwerya omoona Yehova. Masi okathi ninindhuwela nhu ninniwerya woona wiira owo ntthu ekhweeli orina mikhalelo dhooreera. Biibiliya onlotta wiira: “Muluku onnaphenta atthu òloka: khananyanyala apatthani awe” (Esalimo 37:28) Nitho Biibiliya onlotta wiira Yehova ‘toopheta vawaatta ni toomoriwa ikharari,’ niire dho, owo onniwoonela othunku atthu ootheene, saasaasa ale anhaawa. (Yakobo 5:11) “Yehova onikhala ‘vakhiviru n’ale òtemwa: onniwòpola alipa-òwojeya.” (Esalimo 34:19) Niire nyuwo mwanidhuwela wiira itthu ninpaka nhu pooti onhakalaliha aahiidho onripiha nrima Yehova? Mooporani? Akhala wiira ntthu onnilakela opaka itthu dhootakhala, owo pooti onripiha nrima Yehova. (Esalimo 78:40, 41) Masi vaavo ntthu ompaka iye itthu dhooreera yeene onnihakalala vawaatta.—Nsome Miruku 27:11.

3. Yehova onoonihera dhai wiira onninipheta?

Nkhalelo muulupale wa Yehova opheta. Tivondho Biibiliya onlotta iye wiira ‘Muluku opheta.’ (1 Yohani 4:8) Ninniwerya woona opheta wa Yehova ohiya pahi ni itthu ninsoma nhu mBiibiliyani, masi-tho ni itthu opattunsa iye. (Munsome Miteko 14:17.) Mwa ntakihero, moone moopora owo onipattunse iye. Owo oonivaha owerya wa odhiveliwa woona ikoore dhooreera, owiriyana miyuusika ni oca eyooca yooreera. Moohakanyera owo ontthuna wiira hiyo nihakalale.

NHUDHE ITTHU DHIKINA

Moone itthu Yehova onrumeela iye wiira apake itthu dhootikiniha. Nuuvinya, moone moopora Yehova onnoonihera iye mikhalelo-dhe.

4. Nnepa wawaarya ikuru dha Muluku

Okathi hiyo ninvara nhu nteko ninrumeela matata. Khi Yehova onrumeelani? Owo onrumeela nnepa-ye wawaarya. Atthu akina anuupuwela wiira nnepa wawaarya Muluku, masi Biibiliya onlotta wiira nnepa wawaarya ikuru Muluku onrumeela iye wiira apake khuta etthu ontthuna iye. Munsome Luka 11:13 ni Miteko 2:17, nuuvinya mwaakhule makoho anttharelana:

Nihoona wiira Muluku ‘onawaamwarya-mwarela’ nnepa-ye wawaarya ale an’ya onvekela. Ndho nnoona wiira nnepa wawaarya Muluku aahiidho ikuru dha Muluku? Seeni nnuupuwela nnyu dhiidho?

Yehova onnirumeela nnepa-ye wawaarya wiira apake itthu dhootikiniha. Nsome Esalimo 33:6 ni 2 Pedru 1:20, 21, nuuvinya mwaakhule nikoho ninttharelana:

Yehova onrumeela mooporani nnepa-ye wawaarya?

5. Yehova ookhalana mikhalelo dhoorera

Moise ari nrumeyi oororomeleya a Muluku, masi hata eri dhiidho owo aanitthuna ondhuwela saana Mpattusa. Ndho elo ti etthu yaamwiirinhe Moise onvekela Yehova airaka: ‘Nkidhuwelihe iphuro dhinyu, wiira kiwerye woodhuwelani.’ (Okhuma 33:13) Ndho, Yehova aahinleela Moise mikhalelo oriiyena. Munsome Okhuma 34:4-6, nuuvinya mwaakhule makoho anttharelana:

Mikhalelo seeni Yehova oriiyena aandhuwelinhe iye Moise?
Nkhalelo seeni wa Yehova ontepa woodhivelani?

6. Yehova onnaacali apinaatamu

Khalai, aHeeberi yaari atthu a nloko naathanliwe ni Yehova, masi nhoolomwa yaahikhala ipottha wEexiitu. Yehova oonela dhai vaavo awoona iye arumeyi iye ehadhuliwaka? Munwiriyane AAUDIYU ni ntthare osommwa, aahiidho munsome Okhuma 3:1-10. Nuuvinya mwaakhule makoho anttharelana.

AAUDIYU: Yehova Aanoona Ohaawa Waya (2:45)

Yehova onoonela dhai vaavo onwoona iye atthu ehaawaka?—Moone eversikulu 7 ni 8.
Nnoona wiira Yehova onnitthuna tthiri waakhalihera atthu? Nnoona wiira Yehova ookhalana owerya wawaakhalihera atthu? Eseeni enwiirihani wuupuwelela dhiidho?

7. Dhoopattusiwa dhinninoonihera mikhalelo dha Yehova

Ninoowerya odhuwela saana mikhalelo dha Yehova noonaka itthu opattunse iye. Moone EVIIDIYU. Nuuvinya munsome aRoma 1:20, ni mwaakhule nikoho ninttharelana.