1. რე ართ ჯვეშ დო ძვირფას წიგნ, ნამუშ სიტყვეფს

მოუღ მშვიდობა, ხიოლ დო იმენდ.

თიშ სიტყვეფს უღჷ დიდ დო გასაკვირ ძალა,

თანდაბალ კათას სიცოცხლეს არზენს.

იეჰოვაქ მუშ წმინდა შურიშ ძალათ

ოჭარაფუ ძვირფას წიგნ — ბიბლია,

თინეფს, მით რდეს ართგურეფ, პატიოსნეფ

დო უჸორდეს ღორონთ იეჰოვა.

2. ჭარეს, ღორონთიქ მუ დიდ სიბრძნეთ, ძალათ

გარჩქინ ქიანა სარკოთ მოხანტილ;

დიდ ჸოროფათ თიქ გარჩქინ უცოდველ კოჩ,

ნამუთ ცხოვრენდჷ დიდებულ, სქვამ ბაღის.

ეჭარილ რე, ართ ანგელოზიშ ამბე,

თიქ ღორონთიშ მართველობას ენტერ,

მუდგაქ არძას მოუღ ცოდა დო ღურა,

მარა ღორონთშე რსხება ხოლოს რე.

 3. ქუდოდირთ დროქ დო ამდღა ხიოლ მიღნა,

ჟი ცას ქრისტე რე ძალიერ მართველ.

თიშ სამეფო მალას მიღანს დიდ ხვამას,

თეს ირდიხას ხიოლით ფქადაქენთ.

თე წიგნშე ბრელ ძვირფას ამბეს ბგებულენთ,

ნამუთ თანდაბლეფს გურს უჰამუანს.

თის მოუღ დიდ იმენდ, სარკო მშვიდობა.

მორთ თე ძვირფას წიგნ იპკითხათ ირდღას.