ქო, მუშენდა სერიოზულ მიზეზეფიშ უმშო საპირისპირო სქესიშ პიროვნებაწკუმა მთელ სერს ართო გაჩერება თიშ მიზეზის ირზენს, ნამდა თინეფქ უზნეობა ჩედინეს. თე საქმე სამართლებრივ კომიტეტიქ ოკო გენიხილას თიშ უმკუჯინუო, ნამდა უზნეობაშ პირდაპირ მტკიცებულებეფ ვა არსებენს (1 კორ. 6:18).

უხუცესეფქ ყურადღებით ოკო გარჩუან თითოულ სიტუაცია დო გეგნოჭყვიდან, ქორენ დო ვარ საჭირო საქმეშ სამართლებრივ წესით გარჩიება. თინეფქ ოკო დეფიქრან თეცალ კითხვეფშე: ხომ ვა უღუდ წყვილს ართიანწკუმა რომანტიკულ ურთიერთობა? ხომ ვა რდეს ადრე გაფრთხილებურ მუნეფიშ საქციელიშ გურშენ? მუ მიზეზით რდეს მთელ სერს ართო? წინასწარ ხომ ვაფდეს დაგეგმილ თეშ კეთება? ქუღდესო არჩევანიშ კეთებაშ საშვალება დო ვარ თიცალ სიტუაციაქ ქიჸუ, ნამუთ მუნეფშა ვა რდუ დამოკიდებულ? ველუდესინ თეშ ხომ ვეთირ სიტუაციაქ? ვარდა თიცალ მუდგარენქ ხომ ვა მოხვად, მუთ სიცოცხლეს საფრთხეს უქმნენდჷ დო ათეშენ შხვა შარა ვა უღდეს? (ეკლ. 9:11). სო ლურდეს თინეფს? არძა სიტუაცია გენესხვავებ ართიანშე, ათეშენ შილებე შხვა ფაქტორეფ ხოლო რდას, ნამუთ უხუცესეფქ ოკო გეთვალისწინან.

მუჟამსით თე ფაქტეფს დადგინენან, უხუცესეფქ ოკო გინოჭყვიდან, გარჩუან დო ვარ თე საქმე სამართლებრივ წესით.