განსაცდელეფ, ნამუთ მარზენა მომავალიშ იმენდის
განსაცდელეფ, ნამუთ მარზენა მომავალიშ იმენდის
„ბოლო დღალეფს მანგარ ძნელ გინაღალარ დრო დოდირთუ“ (2 ტიმოთე 3:1).
დღას ქუგაიგონებნანო, ვარდა თქვან თოლით ქოიძირნანო თი გლახა შემთხვევეფ, ნამუთ თუდო რე გიმოკოროცხილ?
● ლახალეფ, ნამდგაქ ბრელ ადამიანიშ ღურაშ მიზეზიქ იჸუ.
● შქირენა, მუდგაშ გურშენ ანთასობით კოჩ ღურუ.
● მიწისძვრეფ, მუდგაქ ანთასობით ადამიანიშ ღურა მიღჷ დო ხოლო უმოსიქ ჸუდეშ უმშო ქუდოსქიდ.
თე ჟურნალიშ უკულიან სტატიეფს ქიგებგენთ თიცალ ოშქურანჯ ფაქტეფიშ გურშენ, ნამუთ თაქ რე გიმოკოროცხილ. თეს გეძინელ, ქიგეგენთ თი ბიბლიურ წინასწარმეტყველებეფიშ გურშენ, ნამუთ მოხვადუდ პერიოდის, ნამდგას ბიბლია „ბოლო დღალეფს“ უძახ. *
თე სტატიეფიშ მიზან რე, ქუგოძირან, ნამდა მსოფლიო, სოდეთ ჩქი ფცხოვრენთ ეფშა რე პრობლემეფით. მუშო ოკო რაგად, თეს თქვა ხოლო ორწყეთ. თე სტატიეფიშ მიზან რე, ქიმერჩან იმენდ. თაქ გარჩიებულ იჸუაფ ამშვ წინასწარმეტყველება, მუდგაშ შესრულება ოძირანს, ნამდა „ბოლო დღალეფ“ მალას გეთებ. თე სტატიეფიშ სერიეფს გარჩიებულ იჸუაფ თე საკითხეფწკუმა დაკავშირებულ ნამთინე გავრცელებურ შეხედულება დო ქომჩანა თიშ საფუძვლიან მიზეზის, ნამდა ბჯერდან წოხოლე უჯგუშ მომავალ მელნა.
[სქოლიო]
^ აბზ. 7 უმოს მეტ ინფორმაციაშ მიოღებელო, მუშენ უშვენს ღორონთ ადამიანეფიშ ტანჯებას, ქოძირით სტატია „მუშენ უშვენს ღორონთ უბადობას დო ტანჯებას?“ გვერდეფ 16, 17.