3. ლახალეფ
3. ლახალეფ
„იჸუაფ ... ეპიდემიეფ“ (ლუკა 21:11).
● ბონზალ, ჯანდაცვაშ სფეროს მუშენდჷ დო თი მაღაროშ მუშეფიშ მოხვარას ოცადუდ, მიდგაქ სამოქალაქო ჩხუპიშ დროს აფრიკაშ ართ ქიანას მარბურგიშ ვირუსით დელახეს. * თიქ ბრელშა თხუ მოხვარა დიდ ქალაქიშ ოფიციალურ პირეფს, მარა მუთუნქ ვეგშურთჷ. ოთხ თუთაშ უკულ, მუჟამსით მახვარებშა ქიმერთეს, ბონზალქ ღურელქ ქუდოხვადეს. თიქ მარბურგიშ ვირუსით დელახ, მუჟამსით მაღაროშ მუშეფს მკურნალენდჷ.
მუს ოძირანს თე ფაქტეფ? თიცალ ინფექცია, მუნერით რე პნევმონია, დიარეა, აივ/შიდს, ტუბერკულოზ დო მალარია რე თი საშინელ ლახალეფ შქას, ნამდგათ ხალხ მთელ მსოფლიოს იტანჯებ. ხვალე 2004 წანას თე ლახალეფიშ შედეგო 10,7 მილიონ კოჩიქ ღურ. შხვა სიტყვეფით ქოფთქუათინ, თე ლახალეფიშ შედეგო მთელ წანაშ დინახალე სოდგარენ ირ სუმ წამს ართ კოჩ ღურუდ.
გავრცელებურ შეხედულება. მსოფლიოს ხალხიშ რაოდენობა იძინანს, ათეშენ მუშო ოკო რაგად, უმოს მეტ კოჩ ილახებ თეცალ ლახალეფით.
ქორენო თე შეხედულება მართალ? მსოფლიოშ მოსახლეობა მართალო იძინანს, მარა ადამიანეფს ამდღა უმოსო შეულებნა ლახალაშ დიაგნოზიშ კეთება, თიშ კონტროლ დო მკურნალობა. ლოგიკურ ვა რენო, ნამდა უმოს ნაკლებ ადამიან ოკო იტანჯებდას ლახალათ? თაშ რე, მარა გვალო საპირისპირო მუდგარენ ხვადუ.
თქვა მუჭო ფიქრენთ? იტანჯებნო ამდღა ხალხ ლახალეფით დო ეპიდემიეფით, მუჭოთ თენა ბიბლიაქ იწინასწარმეტყველ?
მიწისძვრეფ, შქირენა დო ეპიდემიეფ მილიონობით ადამიანს ატანჯენს. თეს გეძინელ, მილიონობით ადამიანიშ ტანჯებაშ მიზეზ კინ ადამიანეფ რენა. ხშირ შემთხვევას თინეფშე მუნეფიშ ოჯახიშ წევრეფ ძალადენა. ყურადღება ქიმიაქცით, მუს წინასწარმეტყველენს ბიბლია თე საკითხწკუმა დაკავშირებით.
[სქოლიო]
^ აბზ. 3 მარბურგიშ ჰემორაგიულ ვირუსის იწვიენს ებოლაშ მსგავს ვირუს.
[ჩანართი 6 გვერდის]
„საშინელება რე, მუჟამსით ლომ ვარდა შხვა ცხოველ გიგანთხუ დო რჭკუმუნს, მარა თეშ უნაკლებაშ ვა რე, მუჟამსით შინაგანო რჭკუმუნს მუდგარენ ლახალა დო თეს სქან თოლით ორწყექ“
[სურათიშ საავტორო უფლება 6 გვერდის]
© William Daniels/Panos Pictures