„მთელ ქიანა უბადოშ ხეს რე“ (1 იოანე 5:19).

„ღორონთიშ სქუაქ . . . მორთჷ, ნამდა მოსპას ეშმაკიშ საქმეეფ“ (1 იოანე 3:8).

ქიგებგათ, მუშენ რე მსოფლიოს თესხი პრობლემა (გამოცხადება 12:12).

მიღდან უჯგუშ მომავალიშ იმენდ (1 იოანე 2:17).

მუშო ოკო რაგად, ქო. თეშ არძაშ უნაკლებაშ სუმ მიზეზ არსებენს:

• სატანაშ მართველობაშ დღალეფ კოროცხილ რე. ღორონთის გინოჭყვიდილ აფჷ, ბოლო მოუღას სატანაშ მართველობას. თინა მოპირნა, ნამდა მოსპუნს სატანა ეშმაკის დო დოლასუნს თიშ მართველობაშ ირნერ კვალს (ებრაელები 2:14).

• ღორონთიქ მთელ ქიანაშ მართველო იესო ქრისტე დარინუ. იესო საერთოთ ვაგჷ ამდღარ მსოფლიოშ მართველს, ნამუთ უდუნდებელ დო უბადო რე. გამეფებულ იესოშ გურშენ ღორონთ იჩიებ: „თინა ქეშიცოდილუანს საწყალ დო უღონობას ინოლაფირ კათას . . . დაჩაგრება დო ძალადობაშე ირსხენს თინეფს“ (ფსალმუნი 72:13, 14).

• ღორონთ ტყურას დღას ვა თქუანს. ბიბლია არგამათ იჩიებ, ნამდა „დღას ვა მოხვადუ ღორონთიქ ტყურა ქოთქუას“ (ებრაელები 6:18). მუჟამსით იეჰოვა ღორონთ მუდგარენს მოპირნა, თენა თის ნიშნენს, ნამდა აუცილებერო შეასრულენს! (ესაია 55:10, 11). თინა იმენდის მარზენა: „თე ქიანაშ მართველ გალე იჸუაფ გიმოჸოთამილ“ (იოანე 12:31).