ჩქი იფთვალისწინენთ ბიბლიაშ დამოკიდებულებას ქორწინება დო განქორწინებაშე. ღორონთიშ განზრახვათ კოჩ დო ოსურ შქას ქორწინება მარადიულო ოკო გაგრძელებედკო. წმინდა წერილეფიშ საფუძველშა განქორწინებაშ ხვალე ართ მიზეზო ართ-ართ მეუღლეშე სექსუალურ უზნეობაშ ჩადენა ითვალუ (მათე 19:5, 6, 9).

 ქო, თეს მუსხირენ საშვალებათ ორთნა:

•   პუბლიკაციეფ. პუბლიკაციეფს ირიათო იბეშტუ თიცალ სტატიეფ, ნამდგას შეულებ გამანგარას ქორწინება, თიმწკუმა ხოლო, მუჟამსით ოჯახ აკოცუმაშ კარს რე. მაგალთო, ქოძირით სტატიეფ (ნამუთ ქორთულ ნინაშა რე) „იყავით მეუღლის ერთგული“, „როგორ ვაპატიოთ“, „დაკარგული ნდობის დაბრუნება“.

•   შეხვალამეფ. კრებაშ შეხვალამეფს დო კონგრესეფს ჩქი გენიფხილენთ ბიბლიაშა გერსხილ პრაქტიკულ რჩევეფს, ნამუთ ქორწინებას ოხუ.

•   უხუცესეფ. კრებაშ უხუცესეფ ინდივიდუალურო ოხვარნა თითოულ წყვილს დო ყურადღებას უმახვილენა ბიბლიურ რჩევეფშა, მაგალთო, მუნერით რე ეფესოელეფიშ 5:22—25.

 ვარ. თიმწკუმა ხოლო, მუჟამსით ჩილ დო ქომონჯის ქორწინებას პრობლემეფ უღნა დო თეშ მაგვარებელო უხუცესეფს თხინა მოხვარას, უხუცესეფს ვა უღნა უფლება, ქუწუან წყვილს, მუჭო მიქცუან (გალატელები 6:5). მარა, მუჟამსით პიროვნება გინოჭყვიდუნს ბიბლიურ საფუძველ ვა უღუნ თეშ ჩეთხუას მეუღლეს, ვაღვენუ უფლება, ნამდა დექორწინას (1 ტიმოთე 3:1, 5, 12).

 ბიბლია ელუჩანს დაქოწინებულეფს, ნამდა ვეჩეთხუან ართიანს, თიმწკუმა ხოლო, მუჟამსით ქორწინებას სირთულეეფ უღნა (1 კორინთელები 7:10—16). პრობლემეფიშ გინოჭკირუას თინეფს მთელ გურით ლოცვა, ბიბლიურ პრინციპეფიშ გიმორინაფა დო ჸოროფაშ გიმორჩქინა მეხვარებ (1 კორინთელები 13:4—8; გალატელები 5:22).

 მარა ჸოფე თიცალ შემთხვევეფ ხოლო, მუჟამსით ოჯახის წუმოჭკირილ მანგარ რთულ სიტუაციაშ გურშენ ნამთინე ქრისტიანქ მეუღლეშე ცალკე ცხოვრება გინოჭყვიდ. მაგალთო, თექ შილებე მოხვადას, მუჟამსით ქრისტიან მეუღლე:

•   ოჯახშე ვა ზრუნენს (1 ტიმოთე 5:8).

•   ფიზიკურ შეურაცხყოფას მიორინუანს მეუღლეს.

•   საფრთხეშ თუდო გიორინუანს მეუღლეშ სულიერობას. მაგალთო, მეუღლექ შილებე დანძალას ქრისტიან მეუღლეს, ნამდა ვედეცვას ღორონთიშ კანონეფ. თე დროს ქრისტიან მეუღლექ ცალკე ცხოვრება გინოჭყვიდას დო თეშნერო „ადამიანეფშე უმოსო ღორონთის“ დემორჩილას, მუჭოთ მართველს (საქმეები 5:29).