Azovy Marin̈y ma Manjaka amy Donia Ty?
Akory hevitrinao?
-
Zan̈ahary?
-
Sa olombelon̈o?
-
Sa azovy?
KARAKORY VOLAN̈INY BAIBOLY?
‘Araiky ratsy in̈y mamehy amy donia ty.’—1 Jaona 5:19, Fandikan-tenin’ny Tontolo Vaovao.
‘Zanaka Zan̈ahary handravan̈a asany Devoly.’—1 Jaona 3:8.
INO MAHATSARA ANAO MAHAY ZEN̈Y?
Manjary mazava aminao antony mahavy donia ty feno raha manahiran̈a.—Apokalypsy 12:12.
Anao manjary matoky fa mbala hiova ho tsara fiain̈ana amaray an̈y.—1 Jaona 2:17.
MBA MARIN̈Y EDY MA RAHA VOLAN̈INY BAIBOLY ZEN̈Y?
Ia. Misy antony telo ty:
-
Hifoan̈ana fitondrasan̈a Satana. Tsy hambelany Jehovah hitondra eky Satana ndreky olombelon̈o. Hadosony raha ratsy jiaby, fotony ambarany amy Baiboly ao fa izy “handravan̈a asany Devoly.”—Hebreo 2:14.
-
Zan̈ahary efa nifidy Jesosy hanjaka amy donia ty. Jesosy tsy mira Satana. Jesosy ten̈a tia olo ndreky tsy tia ten̈a foeky. Karaha ty volan̈iny Zan̈ahary momba fitondrasan̈a Jesosy: “Hahinakinaka olo ambany ndreky olo masikiny izy ... Izy han̈avotro ain̈indro amy raha mampijaly iro ndreky han̈avotro iro aminolo kafiry iro, ke liondro ho raha farany maventy aminany.” —Salamo 72:13, 14.
-
Zan̈ahary tsy mahay mavandy. Baiboly mivolan̈a karaha ty: ‘Tsy mety Zan̈ahary koa havandy.’ (Hebreo 6:18) Jehovah koa fa mivolan̈a raha, tsy maintsy vitany. (Isaia 55:10, 11) “Hiroasin̈y pitondra donia ty.”—Jaona 12:31.
TADIAVA VALINY FAN̈ONTANIAN̈A TY
Satana koa fa adoso amy fanjakan̈anany, han̈ano karakory fiain̈ana an̈abony tany eto?
Vakia SALAMO 37:10, 11 ndreky APOKALYPSY 21:3, 4.
Mety ho Tianao Koa
FAMPIANARAN̈A FOTOTRO AMY BAIBOLY
Nan̈ino Tsy Adosony Zan̈ahary Jaly Io?
Maro olo man̈ontany nan̈ino ma feno olo tsy fankatia ndreky raha manahiran̈a tany ty. Ten̈a mankahery valiny fan̈ontanian̈a aby io amy Baiboly ao.
FAN̈ONTANIAN̈A VALIANY BAIBOLY
Satana Devoly Zen̈y ma Ten̈a Misy Ankitin̈y?
Devoly io ma ten̈a misy ankitin̈y sa izio raha ratsy an̈atiny ain̈inolo?
RAHA MOMBA ZAHAY
Nan̈ino ma Anao Tokony Hianatra Baiboly?—Video Lava
Baiboly man̈amia valiny fan̈otanian̈a manahiran̈a sain̈inolo maro erantany. Asa tianao koa hahazo valiny fan̈ontanian̈anao?
RAHA MOMBA ZAHAY
Mangataka Vangian̈a
Miaraha mandiniky fan̈ontanian̈a amy Baiboly aminay, na mianara raha maromaro momba Vavolombelon̈o Jehovah.
