Gbɛ̂ɛ Ɓe Ŋéniɛi Káa Sâa Ŋɔwala-walalaai Mui?

ŊƆPÊLE KƐ

I laai la . . .

LÉ ƁÉ ŊÂLA-KƆLƆI È MÒI

“Nɔii kélee káa ŋwana-lɔɔ-nuui ŋɔwala-walai yée mu.”—1 Zɔ̂ŋ 5:19.

“Ɣâla ǹóŋ e pà . . . à gɛ́ɛ é dɛ̂ɓele ŋɔtíi su kara.”—1 Zɔ̂ŋ 3:8.

Ya pâi gɔ́lɔnii m̀ɛnii gɛ̀ mɛni nyɔ́mɔɔ káa sâa kɛ́i ǹɔii ma.—M̀ɛni-lɛɛi 12:12.

Ya pâi m̀ɛnii kɔ́lɔnii gɛ̀ ǹɛ́lɛɛi l laa la à gɛ́ɛ kúɣeniɛi maa a pâi fálenii é ŋɔ́nɔ kɛ́ a ǹɛ́lɛɛ.—1 Zɔ̂ŋ 2:17.

Ôowei, mɛni-ŋuŋ saaɓa mɛni ma:

Sêtɔŋ ŋɔkɛmɛi-laai su a pâi karai. Ziova aâ gbɛ́tɛ à gɛ́ɛ é Sêtɔŋ ŋɔkɛmi-laai núu-kpune mɛi kpera. Aâ gono tee à gɛ́ɛ “a pai . . . Dɛ̂ɓelei su karai,” gɛ̀ ní, m̀ɛni nyɔ́mɔɔ-ŋai Sêtɔŋ a gɛ́i nɔii mai, é gula nɔii ma.—Ibulu 2:14.
Ɣâla aâ Yîsɛ siɣe à gɛ́ɛ é kɛ́ a kâloŋ ǹɔii mɛi. Yîsɛ fé yɛ̂ɛ ŋéniɛi ŋí mɛi kâloŋ (sêtɔŋ) nyii ǹii nyɔ̂mɔɔi goi, nyaŋ gbáaŋɔɔ nɔ́ gbîŋ mɛni ma. Ɣâla è wɔlɔ lóno é pîlaŋ Yîsɛ ŋɔkâloŋ-laai ma, è m̀o nyɛɛi: “A pâi diai malôŋ kâai dífii kpɛɛi, da gôlo-ɓelai. . . A díŋuŋ maa ɓò é díkula diai yêei díluâni, da m̀ɛni nyɔ́mɔɔ kɛ́-ɓelai.”—Ŋule-wooi 72:13, 14.
Ɣâla fa lɛ́ɛ kɛ́. Ŋâla-kɔlɔi è mò a zu ponoɔɔ nyɛɛi: “Ɣâla fa lɛ́ɛ kɛ́.” (Ibulu 6:18 NW) Tɔ̃yâ ma, Ziova a gono tee à gɛ́ɛ a pâi mɛni ta kɛ́i, fɛ̂ɛ nɔ́ maa mɛni tí é kɛ! (Azaya 55:10, 11) “Nyaŋ a pai nɔii ŋɔmɛi-núui kulai nɔii su.”—Zɔ̂ŋ 12:31.