NGANI JA PANDANDA | ANA ŴA MBONI SYA YEHOFA ALI ŴANI?
Ligongo Cici Tukusalalicila?
Ŵa Mboni sya Yehofawe tukusamanyika mnope ni masengo getu gakulalicila ku nyumba ni nyumba, soni kulikose kwakusasimanikwa ŵandu. Ligongo cici tukusakamula masengo gelega?
Tukusalalicila pakusaka kumlumba Mlungu soni kwamanyisya ŵane lina lyakwe. (Ahebeli 13:15) Tukusaŵasoni tuli mkumpikanila Yesu Klistu, juŵatulamwile kuti, “Ajawule akajiganye ŵandu ŵamitundu josope, . . . akajiganye kuti asunjeje yindu yosope yinalamwile jemanja.”
Tukusalalicilasoni ligongo lyakuti tukusanonyela acimjetu. (Matayo 22:39) Nambo tukusamanyilila kuti ŵandu ŵajinji akwete dini syawo soni kuti ngaŵa ŵandu wosope ŵakusakola lung’wanu ni utenga wetu. Nambope, tukusakulupilila kuti yajikusajiganya Baibulo yili yakulupusya umi. Ni ligongo lyakwe tukusajendelecela “mwamtawu kwiganya soni kuwandisya ngani syambone syakwamba ya Klistu,” mpela muŵatendelaga Aklistu ŵandanda.
Mundu jwine juŵalijigenye yakwayana ni ndamo sya ŵandu, lina lyakwe Antonio Cova Maduro, ŵalembile yakwayana ni “yakusatenda ŵa Mboni sya Yehofa soni yakusawusya yakusasimana nayo . . . , pakulingalinga kuwandisya utenga wa Mlungu pacilambo cosope.”
Ŵandu ŵajinji ŵakusaŵalanga mabuku getu nganaŵa ŵa Mboni sya Yehofa. Atamosesoni ŵandu ŵatukusalijiganya nawo Baibulo akusaŵa ŵa dini sine. Nambope, jemanjaji akusasangalala mnope ligongo lyakuti ŵa Mboni sya Yehofa ŵayicile.
Naga akwete yiwusyo yine yakwamba ŵa Mboni sya Yehofa, tukwaŵenda kuti apate kwanga kwakwe
-
Mwakum’wusya jwa Mboni sya Yehofa
-
Mwakwawula pa webusayiti ja www.ps8318.com/yao.
-
Mwakusimanikwa pa misongano jetu, jajikusaŵa jalulele kwa jwalijose.
