U m’on ni nge yan Jesus Kristus nga tharmiy ko duw ni 33 C.E., me micheg ni ku ra sul. Ke taarebrogonnag ir ngak reb e pumoon ni ke yib u ba tabinaw nib fel’ rogon me yan nga bang nib n’uw nap’an, ma aram miki sul ni bay gelngin ni nge gagiyeg ni ke pilung. Ere fan ni nge sul Jesus, e nge sunumeg reb e am nib fel’ ni fan ko girdi’.​—Mu beeg e Luke 19:11, 12.

Nap’an nra sul Kristus, mab miti mang dowef e bay rok? Nni faseg ko yam’ ni gathi kab dowef ko girdi’. (1 Peter 3:18) Ma aram me yan nga tharmiy nge yan i par nga ba’ ni mat’aw rok Got. (Psalm 110:1) Me munmun min fek i yan nga p’eowchen Jehovah Got, ni “faanem ni kab kakrom” ni ir e pi’ mat’awun Jesus ni nge gagiyegnag e girdi’. Ere nap’an nra sul Jesus ma gathi kab girdi’, ya ke mang pilung ndab kun guy nga owchey.​—Mu beeg e Daniel 7:13, 14.

Nap’an nra sul Jesus ni ke un urngin e pi engel rok ngak, ma ra pufthinnag e girdi’. Ra thang e piin nib kireb ma ra pi’ e yafos ni manemus ngak e piin ni yad ra fol rok u nap’an ni ke pilung.​—Mu beeg e Matthew 25:31-33, 46.

Nap’an nra Pilung Jesus, ma ra paradisnag e fayleng. Ra faseg e piin ni kar m’ad, ya nge yag ni ngar pared u paradis u fayleng u fithik’ e felfelan’.​—Mu beeg e Luke 23:42, 43.