BIN 12
Ngan Dag e Sumunguy nge T’ufeg
1 Thessalonika 2:7, 8
N’EN NI NGAN RIN’: Mu dag ko piin be motoyil ni yad ba t’uf rom ma ga baadag ni ngam ayuwegrad.
ROGON NI NGAN RIN’:
-
Mu lemnag e piin be motoyil. Nap’an ni ga be fal’eg e welthin rom mag lemnag e pi magawon ni yad be mada’nag. Mu guy rogon ni ngam nang rogon lanin’rad.
-
Mu gonopiy rogon e thin ni nga mog. Mu guy rogon ni ngam pi’ e athamgil ngak e piin be motoyil, mag fal’eg lanin’rad. Dab mog ban’en nra k’aring e damumuw ngorad. Ku dab mu gathibthibnag e piin nde mich Jehovah u wan’rad ara pi n’en ni ke michan’rad ngay.
-
Mu dag ni ga be lemnagrad. Mu dag ni ga be lemnag e piin be motoyil ngom u rogon ni ga be non u fithik’ e sumunguy nge rogon ni ga be non ma be un paam ngay. Mu gonopiy rogon owchem ni ga be non ko girdi’.
