AZI’NÉ 18
Mpeukè kuité épô mémia peuk pi é nteu ménguengue é lèkô?
République dominicaine
Japon
Haïti
Ndœuè-nou nang té ntôkô amô’ aji’ a, Ménjheuè-njiô Joovah é lè ngakné ntchou’té, ngueô ntôôté épô mémia pi pô nteu ménguengue a aji’ mèt. Mbœu’ zi mè pou fôk é tsui nguè mpeukè wuè kwa’ nkông-né a nnô peuk. (Jean 13:34, 35; 1 Jean 3:17, 18) Mpeukè ping nkuité épouô anè éwuè éshheu?
Mpeukè yè nkap. A lè a mvhô ngou’ nkhœu, mia mia ndzi a pfeung-è apak ala’ Judée; mékritèn Antioche é too nkap a mbou pôp, ndôk ntôôtè wôp. (Actes 11:27-30) Ndeung-ndeung poup, mpeukè mô’ éfœu’ njou’ nguè épô mémia peuk pi é nang amô’ apak ala’ é nteu ménguengue, éfhô a nguia atchou’té peuk ntouô azou ndôk ntôôtè wôp.—2 Corinthiens 8:13-15.
Mpeukè pèté nèt ngueô ntôôté. Ménfènè pi é nang a aji’ zi ndœuè-nou a ntôk éwou, pô fa’ éwuè meung-môô lè yi a nguia atchou’té, ndôk nzhè kèè pô pou ngô ménténteu lè. Nnô épô mémia pi é tsang-a afa’ afœu’ zi ndœuè-nou a tôkô assi, é pèté nèt a lékuité épouô pi é ngwè méfeung, nzeung nguiè ajoumi a si nzaka a mbou pôp pa’: étsoo léjheu, ntshi-nnou, ngheu ménzhou mbô aji’ zi pô ghô lii éwou. Ménjheuè-njiô té nzaa pi é tswhi nzhè azou anè lékouèt ménguia, pô lôk nkap zôp ndôk mbè nzhè ngueô nkuité épouô pi é nteu ménguengue a lé zeung nkouèt ménguia môp, mbô ménguia atchou’té mi é ntaka. A zang-né a mbou peuk a léghakné ntchou’té afœu’ zi nguengue é ghô assi mela’mi mpeukè si ngô nnô épouô pi é jou’né mbing ngôk mé nkông-né. Mpeukè zii mhvô ntôôté épouô pi “mpeuk a pôp é tchou’té nguemtè Ndem,” mbing ngô yi éshheu é too, mpeukè zeung nkuité épouô émô’ métchôssi.—Galates 6:10.
Mpeukè lôkô Biible suité nteu épouô mbing nzeung ntôôtè wôp. A zètè mè lé tswhi suité nteu épouô pi ndœuè-nou a ngheuè wôp. Mpè nang té ngô anè ntsi ménguengue mouô mèt, ndôô éteue a mbou Joovah, a “Ndem yi a yè kwa’ assuitè nteu.” (2 Corinthiens 1:3, 4) Mpeukè mé lékak a léshoung métsoo mi Biible a lé la’né a mbou épouô pi é nteu ménguengue ndôk nkuitè wôp a lézhè té mi’té nguè nkwa pia, Lefô Ndem é shi’ mbou fôk ngueô’ zi é gheu mpè pou njou’ô tépông a ndoo éssi atsetsa’.—Révélation 21:4.
-
Ménjheuè-njiô Joovah é kou’ô wôp a léghakné ntchou’té afœu’ zi ndœuè-nou a tôkô assi mela’akô?
-
Mpeukè suité nteu épouô pi ndœuè-nou a gheuè wôp é lèkô?
