Tè pè si njiô anè méfitou mouô pa’ Ménjheuè-njiô Joovah, é ma’ ménzhou mbông afœu’ zi pô gheuô a nguia atchou’té pôp-é? Léma’ ménzhou mbông a si ngô azou té ntseukné a mbou peuk mela’akô?

Ndôkô ngou’tè Ndem weuk. A si ngô anouneu a léghè Ndem a té lèè ntchiitèè ntsi zi mè lôk ma’ ménzhou poup nda’a. (1 Samuel 16:7) Mpeukè ké ntchou’té té nguemtè yi a, ndôk ntsui nguè mè wou’tè yi mbô épouô pi mpeuk a pôp é tchou’té. Mè nông ngô tôkô a mvhô gning yi a sa’a akôt, mbô mè té tshou té ma’ nzhou mbông tè lôk tshiè a mvhô yi. Mè zeung mbôngtè a légheu poup afœu’ zi mè gheuô atchou’té ngou’té “Gning yi a sa’ ngông ntseum,” mbô aji’ zi mpeukè wou’tè yi éwou.—Genèse 18:25.

Ndôkô ntsui atshuè mbông zi mpeukè wè. Ashoung-nè Biible a tshouné mékritèn a léma’ “ménzhou mbông mi é té gheuné émô’ épouô.” (1 Timothée 2:9, 10) “Léma’ ménzhou mbông” a lôkô ndeuè nguè, ndè’ mpè ma’ ménzhou mi é tshouné épouô a létshi méneuk anè pimpè léya. Ménzhou mi é té gheuné épouô, é si ngô mi é mbông, é mi é té vôkté, é té siaté-siatè mbing té yènè anè mbeunèt-è. Ménteukné mouô mèt é ké nguiè méshheu a mbou awuè-wuè a lékang ntsi ménzhou mbông mi é pông-ô yi. Épouô é ghô fhô anè ntsi zi mpè tshiè aji’ ngô poup, mbô anè ntsi zi mpè lôk ma’ nzhou poup, “ngou’tè Ndem,” mbing nzeung “ngou’té méshoung-né Yésso.” (Tite 2:10; 1 Pierre 2:12) Léma’ ménzhou mbông té ndôk ngueô atchou’té, a tshouné épouô a léwou’té ntsi zi mpeukè lôk nguemtè Joovah poup.

Ndè’ o neung nguè ménzhou mou é vènè wou a léshi’è a nguia atchou’té peuk. Ménzhou mbông é té lèè ngôô ménzhou mi é teue-nzwing tè’è, é si ngô ménzhou mi é laané.

• A si ngô azou té ntseukné a léma’ ménzhou mbông té ndôk nguemtè Ndem mela’akô?

• Émiè ménteukné é kuitè yimpè a lékang ménzhou mbông?