Sáàmù 138:1-8
Ti Dáfídì.
138 Màá fi gbogbo ọkàn mi yìn ọ́.+
Níṣojú àwọn ọlọ́run mìíràn,Màá kọ orin ìyìn.*
2 Màá forí balẹ̀ ní ìdojúkọ tẹ́ńpìlì mímọ́ rẹ,*+Màá sì yin orúkọ rẹ,+Nítorí ìfẹ́ rẹ tí kì í yẹ̀ àti òtítọ́ rẹ.
Torí o ti gbé ọ̀rọ̀ rẹ àti orúkọ rẹ ga ju gbogbo nǹkan míì lọ.*
3 Ní ọjọ́ tí mo pè, o dá mi lóhùn;+O mú kí n* nígboyà, o sì mú kí n lágbára.+
4 Gbogbo ọba ayé yóò yìn ọ́, Jèhófà,+Nítorí wọ́n á ti gbọ́ àwọn ìlérí tí o ṣe.
5 Wọ́n á máa fi àwọn ọ̀nà Jèhófà kọrin,Nítorí pé ògo Jèhófà pọ̀.+
6 Bó tilẹ̀ jẹ́ pé Jèhófà ga, ó ń kíyè sí àwọn onírẹ̀lẹ̀,+Àmọ́, ó jìnnà sí àwọn agbéraga.+
7 Bí mo bá tiẹ̀ ń rìn nínú ewu, wàá dá ẹ̀mí mi sí.+
O na ọwọ́ rẹ sórí àwọn ọ̀tá mi tó ń bínú;Ọwọ́ ọ̀tún rẹ yóò gbà mí là.
8 Jèhófà yóò mú gbogbo ohun tó ní lọ́kàn fún mi ṣẹ.
Jèhófà, ìfẹ́ rẹ tí kì í yẹ̀ wà títí láé;+Má ṣe pa àwọn iṣẹ́ ọwọ́ rẹ tì.+
Àlàyé Ìsàlẹ̀ Ìwé
^ Tàbí kó jẹ́, “Láìfi ti àwọn ọlọ́run mìíràn pè, màá kọrin sí ọ.”
^ Tàbí “ibi mímọ́ rẹ.”
^ Tàbí kó jẹ́, “o ti gbé ọ̀rọ̀ rẹ ga ju orúkọ ìwọ fúnra rẹ lọ.”
^ Tàbí “ọkàn mi.”
