Déètì: August 9 sí11, 2019

Ibi Tó Ti Wáyé: Pápá Ìṣeré Municipal Stadium of Legia nílùú Warsaw àti Gbọ̀ngàn Ìwòran Torwar Hall, nílùú Warsaw, lórílẹ̀-èdè Poland

Èdè: Gẹ̀ẹ́sì, Polish

Àwọn Tó Wá: 32,069

Àwọn Tó Ṣèrìbọmi: 190

Àwọn Tó Wá Láti Ilẹ̀ Òkèèrè: 6,892

Àwọn Ẹ̀ka Ọ́fíìsì Tá A Pè: Central Europe, Chile, Ecuador, Finland, Faransé, Jọ́jíà, Hungary, Japan, Kòríà, Moldova, Romania, Ukraine, Amẹ́ríkà

Ìrírí: Ọ̀gbẹ́ni KamilKaźmierkiewicz tó jẹ́ ọ̀gá àgbà òtẹ́ẹ̀lì tí wọ́n ń pè ní Four Points by Sheraton ní ìlú Warsaw Mokotów (ó jẹ́ ọ̀kan lára òtẹ́ẹ̀lì tí wọ́n fi àwọn àlejò wọ̀ sí), kọ̀wé pé: “Ó rọrùn láti bá a yín ṣiṣẹ́, ó wù mí kí n tún láwọn àlejò tó jẹ́ onínúure tí wọ́n sì lẹ́mìí tó dáa bíi tiyín. Mo kíye síi pé ẹ nífẹ̀ẹ́ ara yín gan an, ẹ sì wà níṣọ̀kan. . . . Bẹ́ ẹ ṣe ṣètò gbogbo nǹkan ní àpéjọ yìi wú mi lórí gan-an.”

Ọ̀gbẹ́ni Kamil Lubański tó ni ilé iṣẹ́ KL Team tó bá wa ṣètò ọkọ̀ tó kó àwọn èèyàn sọ pé: “Látọjọ́ tí mo ti bẹ̀rẹ̀ sí bá àwọn Ẹlẹ́rìí Jèhófà ṣiṣẹ́ ni mo ti mọ̀ pé màá gbádùn àkókò tá a máa fi ṣiṣẹ́. Wọ́n wà létòletò, wọ́n sì mọ́ nǹkan ṣe. Wọ́n ti ṣètò tó nítumọ̀ fún àpéjọ ńlá yìí, wọ́n sì ti múra sílẹ̀ dáadáa. Ọ̀pọ̀ àwọn olókìkí èèyàn la ti bá ṣiṣẹ́ nílé iṣẹ́ wa, títí kan àwọn òṣìṣẹ́ ìjọba, a sì ti ṣètò ìkórajọ káàkiri orílẹ̀-èdè yìí àti láwọn orílẹ̀-èdè tó wà ní Yúróòpù. Àmọ́, mi ò tíì ráwọn èèyàn tó múra sílẹ̀ tó sì ṣe nǹkan létòletò bíi tiyín rí. Kókó ibẹ̀ ni pé, gbogbo àwọn awakọ̀ wa àtàwọn òṣìṣẹ́ wa míì ló ń sọ ohun tó dáa nípa àwọn Ẹlẹ́rìí Jèhófà nígbà tí wọ́n jọ ṣiṣẹ́. Lọ́jọ́ iwájú, ó wù wá ká tún jọ ṣiṣẹ́.”