Unasceri ramé yepé taína payaitá ta upitá surí ma ta uyupreocupari xinga. Kuíri peprecisari peyuka siya tempo pemuñhakunta arama pe raíra resé. Ti ramé pekiri puranga sesewara amuramé pe kueré asuí pe piaíwa xinga. Yawewaá resewara, kuíri perikuté perasú pe vida amurupité pemuñhakunta arama pe raíra asuí pe mendarisá yuíri. Mayé Bíblia upoderi uajudari pesasá ramé kuá iwasuwaá rupí?

MAÃ BÍBLIA UMBEU: “Kuá gustarisá uxari ti yané piaíwa yandé, uxari yuíri puranga yayumaã”, asuí “ti uputari aintá umuñhã kuayé yaputariwaá yawé, ti uxari ipiaíwawaá yandé.” (1 Korintowaraitá 13:4, 5) Yepé mañha usú uyuka siya tempo imembira supé. Yawewaá resewara imena upoderi uyusaã ipesúa. Ma kuá mañha uprecisari yuíri uyuka tempo imena supé. Paciência irum rexari ne mena ukuá indé revalorizari aé asuí iajuda umeẽwaá pemuñhakunta arama pe raíra resé.

“Peñhe perikuitá pe rimirikuitá, peikú ukuawawaitá yawé aintá irum kuaitá pe rimirikuitá.” (1 Pedro 3:7) Rekuawaté ne rimirikú usú umuñhã esforço turusú umuñhakunta arama kuá taína. Yawewaá resewara amuramé upitá ipiaíwa, ikueré u até sasiára. Amuramé aé usú upitá ipiaíwa ne irum, ma te rekuá maã resé, ñhãsé Bíblia umbeu “puranga piri awá uyucontrolariwaá yepé apigá kirimbawaá suí”. (Provérbios 16:32) Reajudari ne rimirikú pañhe maã upé uprecisariwaá. — Provérbios 14:29.

MAÃ REPODERI REMUÑHÃ:

• Paya: Reajudari ne rimirikú umuñhakunta arama pe taína resé até pituna pukusá. Reyuka tempo amú maã suí reikú arama ne rimirikú irum asuí ne raíra irum.

• Mañha: Rexari ne mena uajudari indé recuidariwaá upé ne membira. Te reyaká ne mena ti ramé uajudari mayé resaruwaá. Purangasá irum remukameẽ ixupé mayé upoderi umuñhã.

MAÃ BÍBLIA UMBEU: “Yepéñhũ arama kurí kuaitá mukũiwaitá.” (Gênesis 2:24) Kuíri perikú pe raíra, ma peñhe mukũi yepéñhũré. Te rexari remukirimbá ne mendarisá saisusá irum.

Indé rerikuwaá ne mena, remukuekatú ixupé pañhe maã aé umuñhãwaá ne rupí asuí uajudari arama indé. Remukuekatú ramé mayé “remupusangawaá” yawé ne mena. (Provérbios 12:18) Indé rerikuwaá ne rimirikú, rembeu ixupé resaisú aé asuí revalorizari retana aé. Remusurí aé umuñhãwaá rupí pe anama rupí. — Provérbios 31:10, 28.

“Te pesikari pemuñhã puranga peñhe arama pawaté, ma pesikari pemuñhã puranga aintá supé amuitá.” (1 Korintowaraitá 10:24) Remuñhã pañhe maã repoderiwaá ne mena u ne rimirikú rupí. Peyuka tempo peyukuntari arama. Uyupisikasá upé te remanduári añhũ ne resé. Remanduári maã resé ne mena u ne rimirikú uputariwaá. Bíblia umbeu: ‘Te sakatima indé ne mena suí u ne rimirikú suí u peputari rameté peviveri kuayé.’ (1 Korintowaraitá 7:3-5) Ape, pekuntari pe piá suí kuá resé. Rerikú ramé paciência usú umukirimbá ne mendarisá.

MAÃ REPODERI REMUÑHÃ:

• Te peresarai pesasá arama tempo yepewasú.

• Rexari ne mena u ne rimirikú ukuá resaisú aé. Repoderi remeẽ yepé presente u remuñhã yepé maã purangawaá ixupé.

MAÃ BÍBLIA UMBEU: “Ne taínasawa suíwara rekuawaá kuá aintá umpinimawaá purangawaá, kuá uxariwaá rekuawaá arama umukaturu indé.” (2 Timóteo 3:15) Remanduári maã resé repoderi rembué ne raíra. Unasceri rundé, aé upoderiwana uyumbué. Imañha marika upé kuá taína upoderi usendú rekuntari ramé asuí ukuá mayé reyusaã. Reyupirũ releri ixupé taína suíwara. Amuramé ti usú uentenderi, ma uyukirari ramé usú ugustari uleri.

Te resarú kupukú rekuntari arama Deus resé ixupé. Rexari aé usendú repurandú ramé Jeová irum. (Deuteronômio 11:19) Peyumusarai ramé yepewasú, rekuntari ne raíra supé maã resé Jeová umuñhãwaá. (Salmo 78:3, 4) Uyukirari ramé aé usú ukuá resaisú Jeová, ape usú uyumbué usaisú Jeová yuíri.

MAÃ REPODERI REMUÑHÃ:

• Repurandú ukuasá Jeová irum rembué arama ne raíra.

• Rekuntari siya viaji yepeyepé ñheenga purangawaá uyumbué arama taína suíwara.