Yarikuté yadorari Deus ñhasé aé umuñhã pañhe maã asuí umeẽ yandé arama vida. Aé aikuéwara pañhe tempo. (Salmo 90:2) Asuí aété kuá umeẽwaá kuá ñheenga puranga uikuwaá Bíblia upé. — 1 Timóteo 1:11.​—Releri Apokalipse 4:11.

Ti yapuderi yamaã Deus ñhasé aé Espírito asuí uiku iwaka upé. (João 1:18; 4:24) Ma sá yamaã maã umuñhãwaita, yapuderi yakuá mayé isikusá. Aé umuñhã siya iwaita asuí putiraita. Kuá exemplo uxári yakuá aé ukuawaá asuí usaisu retana yandé. Mairamé yamaã estrelaita, Kurasi, kuá Iwí, uxári yakuá aé kirimbá retana.​—Releri Romawaraita 1:20.

Yaconheceri Deus yuíri yaleri ramé Bíblia. Aé umbeu maã Deus ugustari, maã aé ti ugustari asuí mayé isikusá miraita irum.​—Releri Tiago 4:6; 1 João 4:8.

Eẽ, Deus uriku isera. Jesus umbeu: ‘Yané Paya uikuwaá iwaka upé purangawaá ne rera.’ (Mateu 6:9) Siya ñheenga rupí ta ukuntari amurupí Deus rera. Ñheengatu rupí, yakuntari Deus rera “Jeová”. Bíblia umbeu Salmo 83:18 upé: “Miraita ta ukuá arama ne rera Jeová, añhu indé remundú pañhe kuá iwí resé.’’ Mayé ta useruka Tupana asuí yané Munhangara umbá isera.

Ta umupinima ramé kuera Bíblia usasá 7 mil viaji aikué kuera Deus rera Bíblia upé. Jesus ukuntari Deus rera resé amuita supé, yawéwaá rupí, kuá rera importante retana. Ma usasá ramé tempo, yepéyepé mira ta uyuka Deus rera Jeová siya Bíblia suí, asuí ta utrocari isera Ruixawa u Deus rupí.​—Releri João 17:26.

Remaã kuá vídeo Será Deus uikú isera?

Yané tempo upé miraita ta upurará retana. Yepéyepé mira ta uñheẽ Deus uxári yasasá kuayé ñhasé ti umanduari yané resé u ñhasé uputari uprovari yané fé. Ma kuá ti supí.​—Releri Tiago 1:13.

Deus uxári miraita ta uparawaka maã ta usu ta umuñhã. Puranga yapuderi yaparawaka maã yaputari yamuñhã. (Josué 24:15) Ma siya ta usari kuá liberdade ta umuñhã arama maã puxiwerawaá, yawéwaá resewara ta umuñhã amuita ta upurará. Jeová uyusaã sasiara umaã ramé usasá kuayé. Bíblia umbeu Gênesis 6:5, 6 upé: “Jeová umaã miraita ta umuñhã siya maã puxiuerawaá iwí upé asuí aintá ta umanduari ta piá upé añhu puxiwerawaá, pañhe ara. Jeová upitá sasiara ipiá upé umuñhã resewara miraita iwí upé.”​—Read Genesis 6:5, 6.

Jeová uyuka ipiá yané rupí. Aé uputari yariku arama yané vida surí. Aé usu umbawa yapuraráwaá irum asuí umukañhemu miraita ta umuñhãwaá puxiwerawaá. Ma kuírité siya miraita ta upurará. Umbuesá 8 upé yasu yakuá marã Deus tiré umbawa purarasá irum.​—Releri 2 Pedro 2:9; 3:7, 13.

Yapitá arama Deus rumuara yaprecisari yapurandu irum. Jeová uputari upitá yané rumuara. Aé uputari ukuá maã yamanduari. (Salmo 65:2; 145:18) Amu maã, yaprecisari yamuñhã esforso yamuñhã arama maã satambikawaá. Ne awá satambika. Ma yapuderi yapitá Jeová rumuara ñhasé aé uperduari yandé.​—Releri Ebreoita 8:12; Tiago 4:8.

Yarikuté yasaisu Jeová píri pañhe miraita suí. (Marko 12:30) Mayé rexári ta ukuá resaisu Deus? Reyumbuéwara píri sesé asuí remuñhawara maã aé upuranduwaá. Ape, ne amizade Deus irum usu upitá kirimbá píri.​—Releri 1 Timóteo 2:4; 1 João 5:3.