Pañhe yandé yapoderi yaparawaka maã asuí mayé yasú yayumuamundéu. Ma aikué Bíblia upé, princípioitá upoderiwaá uajudari yandé yakuá arama mayé yapoderi yaparawaka maã yasú yausari, ti arama yamusasiára Jeová. Yasú yamaã yepeyepé princípioitá.

1. Maã upoderi uajudari yaparawaka maã asuí mayé yasú yayumuamundéu?

Yadorari Jeová. Yawewaá resewara yarikuté yamundéu ‘roupa yanerese puranga, kuaye ukuawaita yawe’. Yamuñhã ramé kuayé yaxari ta ukuá yandé miraitá “umanduariwaita Deus”. (1 Timóteo 2:9, 10) Yasú yamaã quatro princípioitá: (1) Yausari roupa tiwaá umuñhã ta umanduári puxiwera yané resé. Remaãwana yané reunião upé ne pañhe Jeová miraitá ta usari roupa yepewasú. Ma yané roupa u mayé yaxari yané áwa yaxari ta ukuá yarespeitari yané Deus, Jeová. (2) Yausari roupa tiwaá umuwarixí yandé asuí tiwaá umuñhã yayumaité. (3) Yaxari ta ukuá yaparawaka puranga mairamé ti yayumuamundéu mayé miraitá kuá mundo upewaá yawé. (4) Yaprecisari yaxari ta ukuá yandé yadorariwaá Deus yamukaturuwaá irum yané pira. — 1 Korintowaraitá 10:31.

2. Mayé asuí maã yamundéuwaá upoderi umuñhã yané imũitá ta umanduári puranga u puxiwera yané resé?

Yapoderi yaparawaka maã roupa yasú yausari. Ma yaprecisari yamanduári maã yasuwaá kurí yamundéu upoderi umuñhã yané imũitá ta umanduári puranga u puxiwera yané resé. Ti yaputari yamuapatuka ne awá. “Ape yarikute yaneyaweyawe yamusuuri yanemu puranga arama uiku uyukiriari arama.” — Releri Romawaraitá 15:1, 2.

3. Mayé asuí maã yamundéuwaá upoderi umuñhã ta umanduári puranga Jeová resé?

Yaputari yayumuamundéu puranga muíri tempo, ma yarikuté yayupreocupari piri yasú ramé yayumuatiri u yambué ramé Deus resé amuitá supé. Ti yaputari yaxari yané roupa umuapatuka amú miraitá ta uyumbué arama Jeová resé. Ma yaputari yayumuamundéu puranga “aintaupuderi arama aintaumunya puranga sese kua nyenga Deus rese.” — Tito 2:10.

 REYUMBUÉ PIRI ARAMA

4. Yaxari tá ukuá yarespeitari Jeová yayumukaturu ramé puranga.

Marã yarikuté yayupreocupari mayé yayumukaturu? Releri Salmuitá 47:2, ariré pekuntari kuá resé:

• Yapurakí Jeová supé. Yawewaá resewara marã yarikuté yayupreocupari maã irum yasuwaá yamundéu?

• Será puranga yayupreocupari mayé yayumukaturu yayumuatiri ramé u yasú ramé yambué Jeová resé amuitá supé? Marã remanduári kuayé?

 5. Mayé yapoderi yaparawaka puranga maã irum asuí mayé yasú yayumuamundéu

Pemaã kuá VÍDEO.

Ti yaprecisari yarikú roupa sipiwasuwaá, ma uprecisari uikú ikiaíma. Yaprecisari yuíri yaparawaka maã roupa yasú yausari mairamé aikué importantewaá. Releri 1 Korintowaraitá 10:24 asuí 1 Timóteo 2:9, 10, ariré pekuntari maã resewara ti yausari roupaitá ta uikuwaá . . .

• usuruka, ikiá u tiwaá puranga ñhã ara upé.

• uyuyaíwa, yatukawaá u uyukuawaá yamaã u pañhe umuñhãwaá remukameẽ ne pira.

Kuxiíma kuera Jeová umeẽ siya lei imiraitá supé Moizé rupí. Cristãoitá ta upoderi ta uyumbué maã irum Jeová umbeuwaá asuí mayé aé umanduári kuá resé. Releri Deuteronômio 22:5, ariré pekuntari kuá resé:

• Marã ti puranga yepé kuñhã usari roupa u uxari iáwa uyumuyukuawaá aé mayé yepé apigá u yepé apigá usari roupa asuí iáwa yuíri uyumuyukuawaá aé mayé yepé kuñhã?

Releri 1 Korintowaraitá 10:32, 33 asuí 1 João 2:15, 16, ariré pekuntari kuá resé:

• Marã puranga yapurandú yané suí: Será mayé yayumukaturu upoderi umuapatuka yepé mira congregação upé u se rendá upé?

• Mayé miraitá ta uyumuamundéu ne rendá upé?

• Será puranga yepé cristão uyumuamundéu mayé ta uyumuamundeuwaá isendá upé? Marã taá?

 MAÃ REYUMBUÉ

Yakuá ramé yaparawaka puranga maã asuí mayé yasú yayumuamundéu, yaxari ta ukuá yarespeitari Jeová asuí amuitá.

Remanduári arama

• Marã yané roupa asuí mayé yayumuamundéu importante Jeová supé?

• Mayewaá princípioitá Bíblia upé upoderi uajudari yaparawaka maã asuí mayé yasú yayumuamundéu?

• Mayé yayumukaturuwaá upoderi umuñhã miraitá ta umanduári puranga u puxiwera Jeová resé?