¡MAʼ U NÁAYAL A WÓOLEʼEX!
Táan u kʼaskúuntaʼal le Luʼumaʼ | ¿Baʼax ku yaʼalik le Biblia yoʼolal leloʼ?
«Jeʼel u páajtal u yaʼalaʼaleʼ maʼ kun xáantal ken k-beet u jach kʼastal le Luʼumaʼ. Yaan u sen búulul le kaajoʼoboʼ, yaan u sen yantal ooxol, yaan tuʼuxoʼobeʼ yaan u sen kʼáaxal jaʼ yéetel uláakʼ tuʼuxoʼobeʼ yaan u pʼáatal minaʼan jaʼiʼ. Tsʼoʼoleʼ yaan u chʼéejel u millonesil u clasesil baʼalcheʼob yéetel u millonesil u clasesil cheʼob. Lelaʼ letiʼe baʼax ku yaʼalik le ciencia kun úuchul wa le gobiernoʼoboʼ maʼ tu kanáantkoʼob bix u meyajtiʼob le energía (jeʼex le gasolinaoʼ, le corrienteoʼ yéetel uláakʼ baʼaloʼob) yaan teʼ yóokʼol kaabaʼ. Jach tu jaajil bey kun úuchuloʼ» (Lelaʼ letiʼe baʼax tu yaʼalaj António Guterres, u secretario le Naciones Unidas, ka tsʼoʼok u yuʼubik le informe tu tsʼáaj le Grupo Intergubernamental de Expertos sobre el Cambio Climático, tsʼaʼab tu kʼiinil 4 tiʼ abril tiʼ 2022).
«Le científicoʼoboʼ ku yaʼalikoʼobeʼ ikil u sen síistal yéetel u chokotal le Luʼumaʼ maʼ kun xáantaleʼ yaan u afectartik óoliʼ tuláakal le 423 parqueʼob yanoʼ [tu luʼumil Estados Unidos]. Hasta bey men cuentaeʼ tu libroil Apocalipsis táan k-xokik le tʼaanoʼobaʼ: U yelel kʼáax, u buulul le kaajoʼoboʼ, u yíibil le tuʼuxoʼob yaan hielooʼ, u sen kaʼantal u jaʼil le kʼáaʼnáaboʼ yéetel u sen antal ooxol» (“Flooding Chaos in Yellowstone, a Sign of Crises to Come” [Le úuchik u búulul Yellowstoneoʼ táan u yeʼesik junpʼéel baʼax ku taal u kʼiin], The New York Times, 15 tiʼ junio tiʼ 2022).
¿Yaan wa ta tʼaan u kʼuchul u kʼiinil u yutstal tuláakal le baʼaxoʼob yaan yil yéetel le climaoʼ? Wa beyoʼ, ¿máax kun utskíintik? Ilawil baʼax ku yaʼalik le Biblia yoʼolal lelaʼ.
Baʼaxoʼob u yaʼalmaj le Biblia kun ilbil u yúuchul teʼ Luʼumaʼ
Le Bibliaoʼ ku yaʼalikeʼ «Dioseʼ yaan u xuʼulsik tiʼ le máaxoʼob kʼaskúuntik le luʼumoʼ» (Apocalipsis 11:18). Le tekstoaʼ ku kaʼansiktoʼon óoxpʼéel baʼaloʼob:
1. Wíinikeʼ yaan u kʼaskúuntik le Luʼumoʼ.
2. Yaan u xuʼulul u kʼaskúuntaʼal le Luʼumaʼ.
3. Dios kun utskíintik le Luʼumaʼ, maʼ letiʼe wíinikoʼoboʼ.
Yaan u kaʼa utskíintaʼal le Luʼumaʼ
Le Bibliaoʼ ku yaʼalikeʼ «le luʼumaʼ yaan u pʼáatal utiaʼal mantatsʼ» (Eclesiastés 1:4). Lelaʼ u kʼáat u yaʼaleʼ mantatsʼ kun kajtal máakoʼobiʼ.
«Le máaxoʼob ku beetkoʼob baʼax maʼaloboʼ yaan u pʼáatloʼob way luʼumeʼ, way kun kajtaloʼob utiaʼal mantatsʼeʼ» (Salmo 37:29).
Yaan u kaʼa jatsʼutskíintaʼal tuláakal baʼax tu kʼaskúuntaj wíinik.
«Le desierto yéetel le luʼum jach tikinoʼ yaan u jach kiʼimaktal u yóoloʼob, le táax luʼum tuʼux mix baʼal yanoʼ yaan xan u kiʼimaktal u yóol yéetel yaan u loolankil jeʼex u loolankil le azafránoʼ» (Isaías 35:1).
Maʼ xaaneʼ jeʼel u yutstal xan ta wicheʼ
BAʼALOʼOB KU NÚUKAʼAL TEʼ BIBLIAOʼ
¿Yaan wa u xuʼulsaʼal le Luʼumaʼ?
Ilawil baʼax ku yaʼalik le Bibliaoʼ, maʼ xaaneʼ maʼ letiʼe baʼax ka tuklikoʼ.
LE MÁAX KU KANANOʼ
¿Yaan wa u xuʼulsaʼal le Luʼum tumen wíinikoʼ?
Le Bibliaoʼ maʼ chéen tu yaʼalaj yaan u kʼaskúuntaʼal le Luʼumoʼ, baʼaxeʼ ku yaʼalik xan baʼax kun úuchul tu tsʼook.
BAʼALOʼOB KU NÚUKAʼAL TEʼ BIBLIAOʼ
¿Baʼax ku yaʼalik le Biblia yoʼolal le nukuch loobiloʼoboʼ?
Le nukuch loobiloʼoboʼ, ¿u castigo wa Dios? ¿Jeʼel wa u yáantik Dios le máaxoʼob ku sufriroʼob yoʼolal le nukuch loobiloʼoboʼ?
BAʼALOʼOB UNAJ A KANIK
¿Baʼaxten tu beetaj Dios le Luʼumaʼ?
Le bix u suut le Luʼum, le bukaʼaj u náachil tiʼ le Kʼiin yéetel le bix tsʼaʼanil le Lunaoʼ, ku yáantaj utiaʼal u jatsʼutstal le kuxtal way Luʼumoʼ. ¿Baʼaxten jach tu tsʼáaj u yóol Dios u jatsʼutskíinte?
LE MÁAX KU KANANOʼ
¿Baʼax ken u beet u Reino Dios yoʼolal wíinik?
Jesúseʼ u yojel kaʼacheʼ chéen u Reino Dios jeʼel u yutskíintik le problemaʼob yaan way Luʼumeʼ. ¿Baʼaxten k-ojel jaaj le baʼax tu yaʼaloʼ?
KʼAJ ÓOLTOʼONIʼ
Muchʼaba yéetel u testigoʼob Jéeoba
Ojéelt bix le reuniónoʼob k-beetkoʼ. Ilawil tuʼux k-muchʼikba naatsʼ tiʼ a wotoch.
