Yaʼab máakoʼobeʼ u kʼáatoʼob ka xuʼuluk u pʼektaʼal máak yoʼolal u raza, pero tak bejlaʼa maʼ béeychajak leloʼ.

•   «Le u pʼektaʼal máak yoʼolal u razaoʼ junpʼéel baʼax jach táan u yilaʼal tiʼ tuláakal yóokʼol kaab. Le racismooʼ junpʼéel tiʼ le baʼaxoʼob beetik u pʼektikuba le máakoʼoboʼ» (António Guterres, secretario general tiʼ le Naciones Unidasoʼ).

 ¿Yaan wa u kʼuchul u kʼiinil u biskuba tubeel tuláakal máak? ¿Baʼax ku yaʼalik le Biblia yoʼolal leloʼ?

 Ilawil jujunpʼéel tekstoʼob eʼesik baʼax ku tuklik Dios yoʼolal le jejeláas razaʼob yanoʼoboʼ.

•   «[Dioseʼ] chéen yéetel juntúul wíinikeʼ tu beetaj tuláakal u kajnáaliloʼob le luʼumaʼ» (Hechos 17:26).

•   «Dioseʼ mix máak jelaʼan u paktik, baʼaxeʼ tiʼ tuláakal kaajeʼ ku kʼamik jeʼel máaxak ku beetik baʼax maʼalobeʼ yéetel jeʼel máaxak u chʼaʼamaj saajkilil tiʼeʼ» (Hechos 10:34, 35).

 Le Bibliaoʼ ku yaʼalikeʼ Dioseʼ ku kʼamik tuláakal máak kex jeʼel tuʼuxak u taaloʼobeʼ tumen tu táan letiʼeʼ beyoʼob junpʼéel familiaeʼ.

 Chéen u Reino Dios jeʼel u yáantik le máakoʼob utiaʼal ka béeychajak u biskubaʼob tubeeloʼ. Le gobiernoaʼ tiaʼan teʼ kaʼanoʼ yéetel letiʼ kun kaʼanskoʼob utiaʼal ka xuʼuluk u pʼektikubaʼob. Le máakoʼoboʼ yaan u kanik u yaabiltubaʼob bey xan u respetartubaʼob.

•   «Le kéen a beet justicia way luʼumeʼ u kajnáaliloʼobeʼ [yaan] u kankoʼob baʼax le justiciaoʼ» (Isaías 26:9).

•   «Tumen ku beetaʼal justicia teʼ lugaroʼobaʼ yaan u yantal jeetsʼeliliʼ, tumen ku beetaʼal baʼax tojeʼ mix baʼal kun beetik u sen tuukul yéetel u sajaktal máak» (Isaías 32:17).

 Teʼ kʼiinoʼobaʼ u millonesil máakoʼobeʼ táan u yáantaʼaloʼob yéetel le Biblia utiaʼal ka u kan u yeʼesoʼob yaabilaj yéetel respeto tiʼ u maasiloʼ.

•   Utiaʼal a wojéeltik u maasileʼ xok le revista ¡Aajkech!, ku kʼaabaʼtik «¿Jeʼel wa u xuʼulul a pʼektik u maasileʼ?».

•   Ilawil le xook «Kaʼans tiʼ a paalal maʼ u pʼektikoʼob u maasil», le xookaʼ beetaʼan utiaʼal u yáantik le taatatsiloʼob u yiloʼob bix jeʼel u tsikbaloʼob yéetel u paalaloʼob yoʼolal le racismooʼ.