Ezequiel 48:1-35
48 «Tu tojil xamaneʼ le luʼum kun tsʼaabil tiʼ le tribuʼoboʼ letiʼ le jeʼeloʼobaʼ: le luʼum kun tocar tiʼ Danoʼ+ ku káajal teʼ tuʼux yaan u bejil Etlónoʼ, ku máan Lebo-amat*+ yéetel ku kʼuchul tak Azar-enán. Le luʼum kun tocar tiʼ Danoʼ tiaʼan tu fronterail Damasco tu tojil xamaneʼ, tu tséel Amat.+ Ku káajal desde le frontera yaan lakʼinoʼ yéetel ku kʼuchul tak teʼ frontera yaan chikʼinoʼ.
2 Le luʼum kun tocar tiʼ Aseroʼ+ ku káajal teʼ tuʼux ku náakal le luʼum u tiaʼal Danoʼ. Ku káajal desde le frontera yaan lakʼinoʼ yéetel ku kʼuchul tak teʼ frontera yaan chikʼinoʼ.
3 Le luʼum kun tocar tiʼ Neftalíoʼ+ ku káajal teʼ tuʼux ku náakal le luʼum u tiaʼal Aseroʼ. Ku káajal desde le frontera yaan lakʼinoʼ yéetel ku kʼuchul tak teʼ frontera yaan chikʼinoʼ.
4 Le luʼum kun tocar tiʼ Manasésoʼ+ ku káajal teʼ tuʼux ku náakal le luʼum u tiaʼal Neftalíoʼ. Ku káajal desde le frontera yaan lakʼinoʼ yéetel ku kʼuchul tak teʼ frontera yaan chikʼinoʼ.
5 Le luʼum kun tocar tiʼ Efraínoʼ ku káajal teʼ tuʼux ku náakal le luʼum u tiaʼal Manasésoʼ.+ Ku káajal desde le frontera yaan lakʼinoʼ yéetel ku kʼuchul tak teʼ frontera yaan chikʼinoʼ.
6 Le luʼum kun tocar tiʼ Rubénoʼ ku káajal teʼ tuʼux ku náakal le luʼum u tiaʼal Efraínoʼ.+ Ku káajal desde le frontera yaan lakʼinoʼ yéetel ku kʼuchul tak teʼ frontera yaan chikʼinoʼ.
7 Le luʼum kun tocar tiʼ Judáoʼ ku káajal teʼ tuʼux ku náakal le luʼum u tiaʼal Rubénoʼ.+ Ku káajal desde le frontera yaan lakʼinoʼ yéetel ku kʼuchul tak teʼ frontera yaan chikʼinoʼ.
8 Le luʼum unaj a tsʼáaikeʼex junpáayiloʼ unaj u káajal teʼ tuʼux náak le luʼum u tiaʼal Judáoʼ, ku káajal desde le frontera yaan lakʼinoʼ yéetel ku kʼuchul tak teʼ frontera yaan chikʼinoʼ. U kóochil le luʼumaʼ 25,000 codos,*+ u chowakileʼ igual yéetel u chowakil cada junpʼéel tiʼ le luʼum kun tocar tiʼ u maasil tribuʼoboʼ. Lelaʼ unaj u káajal desde teʼ frontera yaan lakʼinoʼ yéetel unaj u kʼuchul tak teʼ frontera yaan chikʼinoʼ. Ichil le luʼumaʼ tiʼ kun antal le templooʼ.
9 U chowakil le luʼum unaj a jóoʼskeʼex utiaʼal Jéeobaoʼ de 25,000 codos, u kóochileʼ de 10,000 codos.
10 Le luʼumaʼ junpʼéel luʼum santo, unaj u tsʼaʼabal tiʼ le sacerdoteʼoboʼ.+ Le luʼumaʼ tu tojil xamaneʼ yaan u yantaltiʼ 25,000 codos, tu tojil chikʼineʼ 10,000 codos, tu tojil lakʼineʼ 10,000 codos yéetel tu tojil noojoleʼ 25,000 codos. U templo Jéeobaeʼ yaan u yantal chúumuk tiʼ le luʼumaʼ.
11 Le luʼumaʼ utiaʼal le sacerdoteʼob yéeyaʼanoʼoboʼ, utiaʼal u paalal Sadok,+ tumen letiʼobeʼ maʼ xuʼul u beetkoʼob le meyaj tin tsʼáajtiʼoboʼ yéetel maʼ tu pʼatenoʼob le ka tu pʼaten le israelitaʼob yéetel le levitaʼoboʼ.+
12 Tiʼ le sacerdoteʼoboʼ yaan u tsʼaʼabal junxóotʼ tiʼ le luʼum jach santooʼ. U luʼumoʼobeʼ tiʼ kun náakal teʼ tuʼux ku káajal u luʼum le levitaʼoboʼ.
13 Tu tséel le luʼum kun tsʼaabil tiʼ le sacerdoteʼoboʼ tiʼ unaj u yantal le luʼum utiaʼal le levitaʼoboʼ, u chowakileʼ 25,000 codos yéetel u kóochileʼ 10,000 codos. (Tuláakal u chowakileʼ 25,000 codos yéetel u kóochileʼ 10,000 codos).
14 Letiʼobeʼ maʼ unaj u konkoʼob, u kʼexkoʼob mix u tsʼáaikoʼob tiʼ yaanal máak mix junxóotʼ tiʼ le maas maʼalob luʼumaʼ, tumen lelaʼ junpʼéel baʼal santo utiaʼal Jéeoba.
15 Le u yalab le luʼum de 25,000 codos u chowakil yéetel 5,000 codos u kóochiloʼ utiaʼal tuláakal u kajnáaliloʼob le kaajoʼ.+ Lelaʼ yaan u meyajtiʼob utiaʼal u beetik u yotochoʼob bey xan utiaʼal u pakʼikoʼob suʼuk. Chúumuk tiʼ le luʼumaʼ tiʼ kun antal le kaajoʼ.+
16 Lelaʼ letiʼe bukaʼaj u nojchil le kaajoʼ: tu tojil xamaneʼ 4,500 codos, tu tojil noojoleʼ 4,500 codos, tu tojil lakʼineʼ 4,500 codos yéetel tu tojil chikʼineʼ 4,500 codos.
17 Lelaʼ letiʼe bukaʼaj u nojchil le luʼum kun pʼatbil tu orilla le kaaj utiaʼal u paʼakʼal suʼukoʼ: tu tojil xamaneʼ 250 codos, tu tojil noojoleʼ 250 codos, tu tojil lakʼineʼ 250 codos yéetel tu tojil chikʼineʼ 250 codos.
18 Tu kaʼatséelil le kaajoʼ pʼaatal junxóotʼ luʼumiʼ. U chowakil le luʼum+ pʼaatal tu tojil lakʼinoʼ 10,000 codos, yéetel le pʼaatal tu tojil chikʼinoʼ 10,000 codos. Cada junxóotʼ tiʼ le luʼumaʼ tiaʼan tu tséel le luʼum santooʼ. U yich le kaʼaxóotʼ luʼumoʼobaʼ utiaʼal u jaant le máaxoʼob ku meyajoʼob teʼ kaajoʼ.
19 Le luʼumoʼobaʼ yaan u meyajtaʼal tumen le máaxoʼob yanoʼob teʼ kaajoʼ, máakoʼob kun taaloʼob tiʼ tuláakal u tribuiloʼob Israel.+
20 Tuláakal le luʼum ken a tsʼáaʼex junpáayiloʼ unaj cuadrado, de 25,000 codos cada juntséel. Unaj a jóoʼskeʼex utiaʼal le luʼum santooʼ bey xan le luʼum u tiaʼal le kaajoʼ.
21 Le luʼumoʼob kun pʼáatal tu kaʼatséelil le luʼum tsʼoʼok a jóoʼskeʼexoʼ unaj u tsʼaʼabal tiʼ u nojchil le kaajoʼ.+ Le luʼumaʼ letiʼe yaan tu tojil lakʼinoʼ le tuʼux ku tsʼoʼokol le 25,000 codosoʼ yéetel le yaan tu tojil chikʼinoʼ le tuʼux ku tsʼoʼokol le uláakʼ 25,000 codosoʼ. Ichil le luʼumoʼobaʼ tiʼ kun pʼáatal le luʼum santooʼ bey xan le luʼum u tiaʼal le kaajoʼ.
22 Le luʼum u tiaʼal le levitaʼob yéetel le luʼum u tiaʼal le kaajoʼ yaan u pʼáatloʼob ichil le luʼum kun tsʼaabil tiʼ u nojchil le kaajoʼ. U luʼum u nojchil le kaajoʼ yaan u pʼáatal entre u luʼum Judá+ yéetel u luʼum Benjamín.
23 Le luʼum kun tocar tiʼ Benjamínoʼ yaan u káajal desde teʼ frontera yaan lakʼinoʼ yéetel ku kʼuchul tak teʼ frontera yaan chikʼinoʼ.+
24 Le luʼum kun tocar tiʼ Simeónoʼ ku káajal teʼ tuʼux ku náakal le luʼum u tiaʼal Benjamínoʼ.+ Ku káajal desde le frontera yaan lakʼinoʼ yéetel ku kʼuchul tak teʼ frontera yaan chikʼinoʼ.
25 Le luʼum kun tocar tiʼ Isacaroʼ+ ku káajal teʼ tuʼux ku náakal le luʼum u tiaʼal Simeónoʼ. Ku káajal desde le frontera yaan lakʼinoʼ yéetel ku kʼuchul tak teʼ frontera yaan chikʼinoʼ.
26 Le luʼum kun tocar tiʼ Zabulónoʼ ku káajal teʼ tuʼux ku náakal le luʼum u tiaʼal Isacaroʼ.+ Ku káajal desde le frontera yaan lakʼinoʼ yéetel ku kʼuchul tak teʼ frontera yaan chikʼinoʼ.+
27 Le luʼum kun tocar tiʼ Gadoʼ ku káajal teʼ tuʼux ku náakal le luʼum u tiaʼal Zabulónoʼ.+ Ku káajal desde le frontera yaan lakʼinoʼ yéetel ku kʼuchul tak teʼ frontera yaan chikʼinoʼ.
28 Le frontera yaan noojoloʼ tiaʼan tu jáal u luʼum Gadeʼ, ku káajal desde Tamar+ tak tu jaʼiloʼob Meribat-cadés,+ ku bin tak tu Táax Luʼumil Egipto,+ yéetel ku kʼuchul tak teʼ Mar Grandeoʼ.*
29 Leloʼ letiʼe luʼum ken a tʼoxeʼex tiʼ u tribuiloʼob Israel bey herenciaoʼ.+ Letiʼe luʼum kun tocar tiʼ cada junpʼéel tribuoʼ».+ Leloʼ letiʼe baʼax ku yaʼalik Jéeoba, le máax yaan tuláakal autoridad tiʼoʼ.
30 «Tu tojil xamaneʼ le kaajoʼ 4,500 codos u chowakil. Le kaajaʼ yaan u yantal u joonajiloʼob.+
31 U kʼaabaʼ u joonajiloʼobeʼ letiʼe kʼaabaʼob yaan tiʼ u tribuiloʼob Israeloʼ. Tu tojil xamaneʼ yaan u yantal óoxpʼéel joonajiʼ: junpʼéeleʼ utiaʼal Rubén, uláakʼeʼ utiaʼal Judá, u tsʼookeʼ utiaʼal Leví.
32 Tu tojil lakʼineʼ le kaajoʼ 4,500 codos u chowakil. Teʼeloʼ yaan u yantal óoxpʼéel joonajiʼ: junpʼéeleʼ utiaʼal José, uláakʼeʼ utiaʼal Benjamín, u tsʼookeʼ utiaʼal Dan.
33 Tu tojil noojoleʼ le kaajoʼ 4,500 codos u chowakil. Teʼeloʼ yaan u yantal óoxpʼéel joonajiʼ: junpʼéeleʼ utiaʼal Simeón, uláakʼeʼ utiaʼal Isacar, u tsʼookeʼ utiaʼal Zabulón.
34 Tu tojil chikʼineʼ le kaajoʼ 4,500 codos u chowakil. Teʼeloʼ yaan u yantal óoxpʼéel joonajiʼ: junpʼéeleʼ utiaʼal Gad, uláakʼeʼ utiaʼal Aser, u tsʼookeʼ utiaʼal Neftalí.
35 Tuláakal u baʼpach le kaajoʼ 18,000 codos. Desde teʼ kʼiin jeʼeloʼ tiʼ le kaajoʼ yaan u yaʼalaʼal: tiaʼan Jéeoba teʼeloʼ».+
Notas
^ Wa «tu yookbal Amat».
^ Teʼelaʼ táan u tʼaan tiʼ codo largo.
^ Uláakʼ bix kʼaj óolaʼanileʼ Mediterráneo.
