Job 10:1-22
10 In pʼekmaj le kuxtal yaantenaʼ.+
Yaan in quejarkinba.
¡Yaan in tʼaan tumen jach yaachajaʼan in wóol!
2 Yaan in waʼalik tiʼ Dios: ‹Maʼ a tratarken jeʼex juntúul máak yaan baʼax kʼaas u beetmeʼ.
Aʼalten baʼaxten táan a baʼateʼel tin wéetel.
3 ¿Baʼax utsil ku taasiktech a pechʼikyéetel a pʼektik le máax a beetmaj yéetel a kʼaboʼob+mientras táan a apoyartik le baʼax ku tuklik le kʼasaʼan máakoʼoboʼ?
4 A wicheʼ, ¿bey wa u yich juntúul kʼeban máakeʼ?
¿Ka paakat wa jeʼex juntúul wíinikeʼ?
5 U kʼiiniloʼob a kuxtaleʼ, ¿bey wa jeʼex u kʼiiniloʼob u kuxtal juntúul máakeʼ?
¿Ka kuxtal wa le bukaʼaj años ku kuxtal juntúul wíinikoʼ?+
6 Wa beyoʼ maʼalob ka a kaxt in error,yéetel ka seguernak a kaxtik in kʼeban.+
7 A wojel mix baʼal kʼaas in beetmaj,+yéetel a wojel mix máak jeʼel u páajtal u salvarken ta kʼabeʼ.+
8 Teech beeten yéetel teech formarten yéetel a kʼaboʼob,+pero beoraaʼ taak a xuʼulsikten.
9 Maʼ u tuʼubultecheʼ yéetel luʼum ta beeten,+beoraaʼ táan a beetik in suut tu kaʼatéeniʼ.+
10 Jeʼex u beetaʼal le queso kéen láalaʼak le lecheutiaʼal u chichtaloʼ, bey xan ta beetilenoʼ.
11 Ta tsʼáaj in bakʼel yéetel in wootʼel,ta beetaj in baakeloʼob yéetel in xiichʼeloʼob.+
12 Ta tsʼáaj in kuxtal yéetel ta weʼesajten nojoch yaabilaj,yéetel tsʼoʼok xan a kanáantik in kuxtal.+
13 Chéen baʼaleʼ yaan baʼax taak kaʼach a x-mukul beetik.*
In wojel tiʼ teech u taal le baʼaloʼobaʼ.
14 Wa kin kʼebantaleʼ techeʼ yaan a wilik,+yéetel maʼ ken a perdonart baʼax in beetmaj.
15 Wa yaan baʼax kʼaas in beetmeʼ, ¡óotsilen ta táan!
Chéen baʼaleʼ kex maʼ kʼebanchajaʼaneneʼ láayliʼ maʼ tu páajtal in líiʼsik in wicheʼ.+
Tsʼoʼok u náakal in wóol in mixbaʼalkúuntaʼal yéetel u beetaʼal in muʼyaj.+
16 Wa kin líiʼsik in pooleʼ ka pulkaba a chuken jeʼex u beetik le leónoʼ,+ka kaʼa eʼesik a poder tin contra.
17 Cada táan a kaxtik máaxoʼob tʼaan tin contra,yéetel ka maas pʼuʼujul tin contra.
Maʼ tu xuʼulul u taal tin wóokʼol le baʼaxoʼob beetik in muʼyajoʼ.
18 ¿Baʼaxten maʼ ta pʼaten ichil u nakʼ in maamaiʼ?+
Unaj kaʼach in kíimil antes tiʼ in wilaʼal tumen wa máax.
19 Beyoʼ yaan u pʼáatal bey maʼ yanchajeneʼ,kéen u yaʼal in síijil kaʼacheʼ tin bisaʼal mukbil›.
20 ¿Maʼ wa chéen junpʼíit u kʼiiniloʼob in kuxtaliʼ?+ Maʼalob ka u pʼaten tin juunal,ka xuʼuluk u paktiken utiaʼal ka kiʼimakchajak in wóol kex chéen junsúutuk+
21 antes tiʼ in bin teʼ tuʼux maʼ tu páajtal in suutoʼ,+teʼ luʼum tuʼux jach éeʼjochʼeʼenoʼ,+
22 teʼ luʼum tuʼux jach táaj éeʼjochʼeʼenoʼ,teʼeloʼ tak le sáasiloʼ bey éeʼjochʼeʼeneʼ,mix baʼal tu tsoolol yaniliʼ».
Notas
^ Ich hebreoeʼ ku yaʼalaʼal kaʼach «Chéen baʼaleʼ le baʼaloʼobaʼ a taʼakmaj kaʼach ichil a puksiʼikʼal».
