Proverbios 22:1-29
22 Maas unaj u yéeyik máak u yantaltiʼ junpʼéel maʼalob kʼaabaʼ ke yaʼab ayikʼalil.+
U respetartaʼal máakeʼ maas maʼalob ke plata yéetel oro.
2 Juntúul ayikʼal yéetel juntúul óotsileʼ yaan tiʼ baʼax igualoʼob,igualoʼob tumen Jéeoba beetmil tu kaʼatúulal.+
3 Le máax yaan u naʼatoʼ ku taʼakikuba kéen u yil junpʼéel peligro,pero le máax maʼ jach yaan u naʼatoʼ ku seguertik u beel, le oʼolal ku yilik u consecuenciail.
4 Le kabal óolal* yéetel le u respetartaʼal Jéeobaoʼku taasik ayikʼalil, kuxtal yéetel ku beetik u respetartaʼal máak.+
5 Tu beel juntúul kʼasaʼan máakeʼ yaan kʼiʼixoʼob yéetel trampaʼobiʼ,pero tuláakal máax u yaabiltmaj u kuxtaleʼ maʼ tu náatsʼal tu yiknaloʼob.+
6 Kaʼans le xiʼipal* utiaʼal u bin teʼ bej tuʼux unaj u binoʼ,+beyoʼ tak ken chʼíijkeʼ maʼ ken u pʼat le bejoʼ.+
7 Juntúul ayikʼaleʼ ku gobernar tu yóokʼol juntúul óotsil,le máax ku kʼáatik wa baʼax u majáanteʼ ku beetkuba esclavo tiʼ le máax tsʼáaik wa baʼax u majáantoʼ.+
8 Tuláakal máax ku beetik* injusticiaeʼ yaan u bin kʼaasil tiʼ,*+yaan u xuʼulul tiʼ u kʼasaʼan gobernación.*+
9 Le máax ku yeʼesik u yutsiloʼ yaan u bendecirtaʼal,tumen ku múul jaantik u yoʼoch yéetel le óotsiloʼ.+
10 Jóoʼs le máax ku yaʼalaj baʼaloʼ,beyoʼ yaan u xuʼulul le baʼateltʼaanoʼ,yaan u xuʼulul le sakachtʼaan yéetel le aʼalaj baʼaloʼ.
11 Le máax limpio u puksiʼikʼal yéetel ku utsul tʼaaneʼyaan u amigotik le reyoʼ.+
12 Jéeobaeʼ ku kanáantik le máax ku yeʼesik yaan u naʼatoʼ,pero ku mixbaʼalkúuntik le baʼax ku yaʼalik le traicionerooʼ.+
13 Le maʼakʼóoloʼ ku yaʼalik: «¡Yaan juntúul león táankab!
¡Yaan in kíimsaʼal chúumuk kʼíiwik!».+
14 U chiʼ le x-kʼasaʼan koʼoleloʼoboʼ* bey junpʼéel taamkach jooleʼ,+tiʼ kun lúubul le máaxoʼob ku condenartaʼaloʼob tumen Jéeobaoʼ.
15 Le j-maʼ naʼatiloʼ u bakʼmuba tu puksiʼikʼal juntúul xiʼipal,*+pero jeʼel u luʼsaʼal tumen u cheʼil le jaatsʼoʼ.+
16 Le máax ku yoklik juntúul óotsil utiaʼal u maas ayikʼaltal+bey xan le máax ku síik baʼaloʼob tiʼ juntúul ayikʼaloʼyaan u yóotsiltaloʼob.
17 Chʼenxikint le baʼax ku yaʼalik le máaxoʼob yaan u naʼatoʼoboʼ,+beyoʼ yaan a kʼuchul a wojéelt le baʼax kin kaʼansiktechoʼ,+
18 techeʼ jach yaan u kiʼimaktal a wóol wa ka tsʼáaik ichil a puksiʼikʼal+utiaʼal a tʼaan mantatsʼ tiʼ letiʼob.+
19 Le baʼax kin kaʼansiktech bejlaʼoʼutiaʼal a maas kʼubik a wóol tiʼ Jéeoba.
20 Teneʼ tsʼoʼok in tsʼíibtiktechyaʼab consejoʼob bey xan uláakʼ nuʼuktajoʼob,
21 utiaʼal in kaʼansiktech baʼaloʼob jaajtak jeʼel u páajtal a kʼubik a wóol tiʼeʼ,yéetel utiaʼal u páajtal a suut a waʼal u jaajil tiʼ le máax túuxtechoʼ.
22 Maʼ a woklik juntúul óotsil chéen tumen óotsil,+yéetel maʼ a pechʼ óoltik juntúul óotsil tu joonajil le kaajoʼ,+
23 tumen Jéeobaeʼ yaan u defendertik le óotsiloʼoboʼ,+yéetel yaan u luʼsik u kuxtal le máaxoʼob oklikoʼoboʼ.
24 Maʼ a biskaba yéetel juntúul máax kʼaas u modosmix a woksikaba yéetel juntúul máax séeb u pʼuʼujul,
25 tumen beyoʼ mix bikʼin ken a kan le baʼaxoʼob ku beetkoʼyéetel maʼ kan lúubul tiʼ junpʼéel trampa.+
26 Maʼ a waʼalik jeʼel a boʼotik u pʼaax juntúul máak wa ku pʼáatal maʼ tu páajtal u boʼotkeʼ,+maʼ a beetkaba jeʼex le máaxoʼob ku saludarkubaʼob kéen u beetoʼob junpʼéel acuerdo beyaʼ.
27 Wa minaʼantech utiaʼal a boʼoleʼ¡yaan u chʼaʼabal a cama!
28 Maʼ a péeksik junpʼéel xuʼukʼ úuch tsʼaʼabak,le tsʼaʼan tumen a úuchben láakʼtsiloʼoboʼ.+
29 ¿Tsʼoʼok wa a wilik juntúul máak jach u yojel u beet u meyaj?
Letiʼeʼ yaan u yantal tu táan reyoʼob,+maʼ kun antal chéen tu táan jeʼel máaxakeʼ.
Notas
^ Wa «humildad».
^ Wa «paal, táankelem, x-lóoʼbayan».
^ Ich hebreoeʼ ku yaʼalaʼal kaʼach «u xóolteʼil u pʼujaʼanil».
^ Ich hebreoeʼ ku yaʼalaʼal kaʼach «yaan u jochik baʼax kʼaas».
^ Ich hebreoeʼ ku yaʼalaʼal kaʼach «pakʼik».
^ Ilawil Proverbios 2:16.
^ Wa «paal, táankelem, x-lóoʼbayan».
