Salmos 5:1-12
Utiaʼal máax ku nuʼuktaj: utiaʼal u paʼaxal Nejilot. Le kʼaayaʼ David tsʼíibte.
5 Jéeoba Dios, uʼuy baʼax kin waʼalik,+ilawil bix in muʼyaj.
2 In Dios, in Rey, chʼenxikintenkéen in kʼáat áantaj, tumen tiʼ teech kin orar.
3 Jéeoba Dios, le kéen sáasakeʼ yaan a wuʼuyik in tʼankech,+yaan in waʼaliktech baʼax chiʼichnakkúuntiken+ yéetel yaan in páaʼtik baʼax ken a núukten.
4 Techeʼ maʼ juntúul Diosech ku kiʼimaktal u yóol ikil u beetaʼal baʼax kʼaasiʼ.+
Mix juntúul kʼasaʼan máak jeʼel u páajtal u kajtal ta wiknaleʼ.+
5 Juntúul máak ku creerkubaeʼ maʼ tu páajtal u pʼáatal ta táan.
A pʼekmaj tuláakal le máaxoʼob kʼasaʼanoʼoboʼ.+
6 Yaan a xuʼulsik tiʼ le máaxoʼob ku tuusoʼoboʼ.+
Jéeobaeʼ u pʼekmaj le máaxoʼob ku beetkoʼob loob yéetel chéen tuus ku beetkoʼoboʼ.*+
7 Pero teneʼ yaan in wokol ta wotoch+ tumen techeʼ jach táaj nojoch a yaabilaj.+
Yaan in chintal tu tojil a templo utiaʼal in weʼesik jach kin respetarkech.+
8 Jéeoba Dios, yaʼab máaxoʼob pʼekmilen, bisen tiʼ le maʼalob bejoʼ,luʼs tuláakal baʼax kʼatakbal teʼ bej tuʼux kin máanoʼ.+
9 Maʼ tu páajtal u confiar máak tiʼ baʼaxoʼob ku yaʼalikoʼob.
Chéen tuus ku beetkoʼob.
U chiʼobeʼ bey junpʼéel jool tuʼux ku muʼukul máakeʼ.
Jatsʼuts u tʼankoʼob máak.+
10 Pero yaan u condenartaʼaloʼob tumen Dios.
Tiʼ letiʼob kun úuchul le kʼaas u chʼaʼtukultmaj u beetkoʼoboʼ.+
Ka tojolchʼintaʼakoʼob yoʼolal le bukaʼaj baʼaloʼob kʼaastak u beetmoʼoboʼ,tumen maʼatech u yuʼubikoʼob a tʼaan.
11 Pero tuláakal le máaxoʼob ku natsʼkubaʼob tiʼ techoʼ yaan u kiʼimaktal u yóoloʼob.+
Mantatsʼ kun awatoʼob tumen kiʼimak u yóoloʼob.
Maʼ ken a chaʼa u náatsʼal le kʼasaʼan máakoʼob tu yiknaloʼoboʼ.
Le máaxoʼob yaabiltmil a kʼaabaʼoʼ yaan u kiʼimaktal u yóoloʼob.
12 Jéeoba Dios, techeʼ yaan a bendecirtik máax beetik baʼax maʼalob.
Yaan a weʼesik a wutsil tiʼ, yaan a pʼáatal bey junpʼéel nuxiʼ escudo utiaʼaleʼ.+
Notas
^ Wa «Jéeobaeʼ u pʼekmaj le máax ku wekik kʼiʼikʼ yéetel ku tuusoʼ».
