Salmos 79:1-13
Le kʼaayaʼ Asaf tsʼíibte.+
79 In Dios, le kaajoʼoboʼ tsʼoʼok u yookloʼob ichil le luʼum a tiaʼaloʼ.+
Tsʼoʼok u beetkoʼob baʼax maʼ maʼalob ta temploiʼ.+
Tsʼoʼok u nikikoʼob u kaajil Jerusalén.+
2 Tu kíimsoʼob le máaxoʼob meyajtikechoʼ ka tu tsʼáajoʼob tiʼ le chʼíichʼoʼob utiaʼal u jaantoʼoboʼ,tu kíimsoʼob le máaxoʼob chúukaʼan u yóoloʼob u meyajtechoʼ ka tu puloʼob tiʼ le tsʼíitsʼik baʼalcheʼoboʼ.+
3 Bey jaʼ tu wekiloʼob u kʼiʼikʼel le máaxoʼob meyajtikech kaʼachoʼ, tu wekoʼob tiʼ tuláakal u kaajil Jerusalén.
Mix máak pʼáat utiaʼal u mukik le máaxoʼob meyajtikech kaʼachoʼ.+
4 Ku yaʼalaʼaltoʼon baʼal tumen le máaxoʼob kajaʼanoʼob naatsʼ tiʼ toʼonoʼ.+
K-burlartaʼal yéetel k-cheʼejtaʼal tumen le máaxoʼob kajaʼanoʼob naatsʼoʼ.
5 Jéeoba Dios, ¿baʼax kʼiin u xuʼulul a tsʼíikil? ¿Mix bikʼin wa u xuʼulul?+
¿Mantatsʼ wa kun pʼáatal tʼaabal a pʼujaʼanil jeʼex junpʼéel kʼáakʼeʼ?+
6 Láal a pʼujaʼanil yóokʼol le luʼumoʼob maʼ u kʼaj óolechoʼoboʼ,bey xan yóokʼol le kaajoʼob maʼatech u chʼaʼchiʼitkoʼob a kʼaabaʼoʼ.+
7 Tumen letiʼobeʼ tsʼoʼok u líikʼloʼob tu contra Jacob,yéetel tsʼoʼok u kʼaskúuntikoʼob le luʼum tuʼux kajaʼanoʼ.+
8 Maʼ a castigarkoʼon yoʼolal le baʼaxoʼob tu beetaj k-úuchben láakʼtsiloʼoboʼ.+
Tu séebaʼanil ka a chʼaʼtoʼon óotsilil+tumen tsʼoʼok k-jach mixbaʼalkúuntaʼal.
9 In Dios, áantoʼoniʼ, chéen teech jeʼel a salvarkoʼoneʼ,+beet yoʼolal a kiʼichkelem kʼaabaʼ.
Salvartoʼoniʼ, perdonart k-kʼebanoʼob, beet yoʼolal a kʼaabaʼ.+
10 ¿Baʼaxten unaj u yaʼalik le kaajoʼob: «¿Tuʼux tsʼoʼok u Diosoʼob?»?+
Chaʼa k-ilik baʼax ken a beet tiʼ le kaajoʼoble kéen a vengart u kʼiʼikʼel le máaxoʼob meyajtikechoʼ.+
11 Uʼuy bix u yáakam le máakoʼob bisaʼanoʼob táanxel luʼumiloʼ.+
Meyajnaktech a poder* utiaʼal a salvartik* le máaxoʼob condenartaʼanoʼob kíimiloʼ.+
12 Jéeoba Dios, siete u téenel ka a castigart+le máaxoʼob kajaʼanoʼob naatsʼ tiʼ toʼon táan u yaʼalikoʼobtech baʼaloʼ.+
13 Beyoʼ mantatsʼ ken k-tsʼáatech graciastumen a kaajaloʼon, ka kanáantkoʼon jeʼex u kanáantaʼal tamanoʼobeʼ.+
Jeʼel jaypʼéel generación ka máankeʼ yaan k-alabarkech.+
