KÁAJS A TSIKBAL
XOOK 6
Maʼ a chʼaʼik saajkil
Le Bibliaoʼ ku yaʼalik: «K-Dioseʼ tu yáantoʼon utiaʼal maʼ k-chʼaʼik saajkil k-tsikbaltteʼex le maʼalob baʼaloʼob ken u beetoʼ» (1 Tes. 2:2).
¿Bix tu beetil Jesús?
1. Chaʼant le VIDEOOʼ, wa xok Lucas 19:1-7. Tsʼoʼoleʼ ka tuukul tiʼ le kʼáatchiʼobaʼ:
¿Baʼax k-kanik tiʼ Jesús?
2. Utiaʼal k-tsikbaltik le Reino tiʼ tuláakal máakoʼ kʼaʼabéet maʼ k-chʼaʼik saajkil.
Beet jeʼex Jesúseʼ
3. Confiarnen tiʼ Jéeoba. Jesúseʼ áantaʼab tumen le espíritu santo utiaʼal maʼ u chʼaʼik saajkil kʼaʼaytajoʼ, letiʼe baʼax jeʼel u yáantkech xanoʼ (Mat. 10:19, 20; Luc. 4:18). Kʼáat tiʼ Jéeoba ka u tsʼáatech u valoril a tʼaan (Hech. 4:29).
4. Maʼ a jáan juzgartik mix máak. Maʼ xaaneʼ yaan kʼiineʼ chan difícil k-ilik k-tsikbal yéetel juntúul máak yoʼolal bix u yilaʼal, tumen óotsil wa tumen ayikʼal, yoʼolal bix u kuxtal wa yoʼolal baʼaxoʼob ku creertik. Pero maʼalob ka kʼaʼajaktoʼon:
-
1) Chéen Jéeoba yéetel Jesús u yojloʼob baʼax yaan ichil u puksiʼikʼal máak, toʼoneʼ maʼ.
-
2) Maʼ unaj k-tuklik wa maʼ tu páajtal u yáantaʼal wa máax tumen Jéeobaiʼ.
5. Maʼ a chʼaʼik saajkil, pero kanáant baʼax ka waʼalik (Mat. 10:16). Maʼ a baʼateltʼaan. Wa juntúul máak maʼ u kʼáat u yuʼubecheʼ, wa maʼ taak u seguer u tsikbal ta wéeteleʼ maas maʼalob ka a xotʼ le tsikbal yéetel respetooʼ (Pro. 17:14).