BEET REVISITAʼOB
XOOK 7
Maʼ u xuʼulul a kaʼansaj
Le Bibliaoʼ ku yaʼalik: «Maʼ xuʼul u kaʼanskoʼob yéetel u tsikbaltikoʼob le maʼalob baʼaloʼob[oʼ]» (Hech. 5:42).
¿Bix tu beetil Pablo?
1. Chaʼant le VIDEOOʼ, wa xok Hechos 19:8-10. Tsʼoʼoleʼ ka tuukul tiʼ le kʼáatchiʼobaʼ:
¿Baʼax k-kanik tiʼ Pablo?
2. Utiaʼal k-beetik revisitaʼob yéetel k-káajsik junpʼéel xookeʼ kʼaʼabéet k-jóoʼsik tiempo yéetel k-tsʼáaik k-óol k-beete.
Beet jeʼex Pabloeʼ
3. Xeen a xíimbalt teʼ hora maas maʼalob u yilkoʼ. Tukulte: «¿Baʼax kʼiin yéetel tuʼux u kʼáat ka xiʼiken in xíimbalte?». Kex maʼ chéen chʼaʼabileʼ ilawil a xíimbaltik le máak teʼ súutuk maas maʼalob u yilkoʼ.
4. Kʼáattiʼ baʼax kʼiin yéetel baʼax hora jeʼel u páajtal a kaʼa tsikbaleʼexeʼ. Bey unaj a beetik cada ken tsʼoʼokok a tsikbaleʼexoʼ. Chéen baʼaleʼ ilawil a bin teʼ hora yéetel teʼ lugar tu yaʼalajtechoʼ.
5. Maʼ a desanimar. Maʼ a jáan tuklik wa maʼ taak u kaanbal juntúul máak chéen tumen mantatsʼ ocupado wa maʼatech u pʼáatal tu yotochiʼ (1 Cor. 13:4, 7). Tak tuʼux ku páajtaleʼ seguernak a kaxtik le máax taak u kaanbaloʼ, chéen baʼaleʼ ilawil maʼ a sen perdertik tiempo (1 Cor. 9:26).
