¿Máax Dios?
Yaʼab máax creertik yaan Dios, chéen baʼaleʼ jejeláas baʼaxoʼob ku creertikoʼob tu yoʼolal. Yanoʼobeʼ ku tuklikoʼobeʼ chéen táan u yilik baʼaxoʼob kʼaastak ku beetik máak utiaʼal ka u castigarte. Uláakʼoʼobeʼ ku yaʼalikoʼobeʼ Dioseʼ ku perdonartik jeʼel baʼaxak ka u beet máak tumen jach nojoch u yaabilaj. Yaan máax tuklik xaneʼ Dioseʼ maʼatech u beetik u cuentail mix máak. Yoʼolal le jejeláas baʼaxoʼob ku creertaʼaloʼ, yaʼab máakoʼobeʼ ku tuklikoʼob maʼ tu páajtal u kʼaj óoltaʼal Dios.
¿Baʼaxten kʼaʼabéet a kʼaj óoltik Dios? Tumen leloʼ yaan u tsʼáaik u biilal a kuxtal (Baʼaxoʼob [Hechos] 17:26-28). Jeʼex u bin a maas natsʼkaba tiʼ Dioseʼ, letiʼ xaneʼ yaan u maas natsʼkuba tiʼ teech yéetel yaan u yáantkech (Santiago 4:8). U kʼaj óoltaʼal Dios tubeeleʼ yaan u tsʼáaik tuʼux u náajaltik máak le kuxtal minaʼan u xuuloʼ (Juan 17:3).
¿Bix jeʼel a kʼaj óoltik Dioseʼ? Tuukulnen tiʼ juntúul máax a kʼaj óol tubeel, maʼ xaaneʼ juntúul a amigo. ¿Bix káajik a biskabaʼex? Maʼ xaaneʼ táanil ta wojéeltaj u kʼaabaʼ, bix u modos, baʼax uts tu tʼaan yéetel baʼax u pʼeek, baʼaxoʼob u beetmaj yéetel baʼaxoʼob ku tuklik u beetik. Lelaʼ tu yáantech a kʼaj óolt tubeel.
Utiaʼal xan a kʼaj óoltik Dioseʼ, unaj a wojéeltik jujunpʼéel baʼaxoʼob tu yoʼolal:
Le revistaaʼ yaan u yáantkech a wil baʼax ku yaʼalik le Biblia tu yoʼolaloʼ. Le xookoʼob ku taaskoʼ yaan u yáantkech a kʼaj óolt Dios yéetel yaan u yeʼesiktech baʼaxten maʼalob ka bisaba tu yéetel.
Maʼ xaaneʼ jeʼel u yutstal xan ta wicheʼ
LE MÁAX KU KANANOʼ
¿Jeʼel wa k-kʼaj óoltik Dioseʼ?
Le baʼaxoʼob maʼ t-naʼatik yoʼolal Diosoʼ jeʼel u yáantkoʼon k-kʼaj óolteʼ.
