Junpʼéel kʼiin jach keʼel yéetel táan u kʼáaxal nieveeʼ Bobeʼ táan kaʼach u manejar tu kaajil Alberta, tu luʼumil Canadá. Letiʼeʼ chich u bin kaʼachi (óoliʼ 100 kilómetros por hora). Le táan u binoʼ wáakʼ junpʼéel u llantail u coche, chéen baʼaleʼ como maʼ tu tsʼáaj cuentaeʼ seguernaj u bin tumen chéen wa jaypʼéel kilómetros u bin utiaʼal u kʼuchul tu yotoch.

 Letiʼeʼ tu túuxtaj junpʼéel carta teʼ tuʼux ku muchʼkuba u testigoʼob Jéeoba teʼ kaajoʼ. Bobeʼ tu yaʼalaj: «Junpʼéel coche tuʼux ku bin cinco xiʼipalaloʼobeʼ tu chukpachteneʼ ka tu yaʼaloʼobten tsʼoʼok u wáakʼal junpʼéel u llantail in coche. Jeʼelen tu jáal le bejoʼ ka tu yaʼaloʼob jeʼel u yáantkenoʼobeʼ. Teneʼ mix in wojel wa yaanten uláakʼ llanta wa u nuʼukuliloʼob utiaʼal u kʼeʼexeliʼ. Teneʼ tiaʼanen tin silla de ruedaseʼ, chéen táan in wilik bix u yilik u kʼexkoʼob le llantaoʼ. Teʼ kʼiin jeʼeloʼ jach keʼel yéetel táan u kʼáaxal nieve. Kex jach maʼalob u vestirmilubaʼobeʼ tu yáantenoʼob, beyoʼ páajchaj u seguer in viajar. Kensa baʼax jeʼel in beetik kaʼach wa maʼ u yáantkenoʼobeʼ».

 Bobeʼ tu yaʼalaj xan: «Jach kin tsʼáaik u graciasil tiʼ le cinco xiʼipalal Testigoʼob tu yáantenoʼoboʼ. Letiʼobeʼ bijaʼanoʼob kaʼach u tsikbaltoʼob tiʼ le máakoʼob baʼax ku yaʼalik Diosoʼ. Letiʼobeʼ maʼ chéen ku yaʼalikoʼob baʼax unaj u beetaʼaliʼ baʼaxeʼ ku beetkoʼob xan. Tu yáantenoʼob in wutskíint junpʼéel baʼal maʼ tu páajtal in beetik chéen tin juunal. Jach diosboʼotik. ¡Máax jeʼel u tuklik wa yaan in wilik teʼ bej le xiʼipalaloʼob túuxtaʼaboʼob tumen Diosaʼ!».