Guníʼ Jesús ca binni ni nayá ladxidóʼ nga ca ni zudii cuenta xii nga ni dxandíʼ (Juan 10:​4, 27). Nga runi, ora guinínenu binni, racaláʼdxinu guluinu laacabe ca cosa ni dxandíʼ rusiidiʼ Biblia ne ni cadi nagana. Zanda guzulunu guininu sicaríʼ «¿Ñee nánnaluʼ. . .la?» o «¿Ñee huayunadiágaluʼ…la?» ne bisaa pregunta ca né tobi de ca cosa ni rusiidiʼ Biblia. Despué biindané laabe ti textu ni cusiene ni. Ora gusiidiluʼ binni tobi de ca cosa ni cadi nagana zeeda lu Biblia la? zeeda gaca ni casi ora nudxiibaluʼ ti semiáhuiiniʼ ndaaniʼ ladxidoʼbe. ¡Ne zanda gacané Dios guindani ne guiniisi semiáhuiiniʼ ca! (1 Cor. 3:​6, 7).

•  Futuro

•  Familia

•  Dios

•  Oración

•  Jesús

•  Reinu stiʼ Dios

•  Yuubaʼ

•  Guendaguti

•  Religión

 FUTURO

1. 1. Guiráʼ cosa malu ni cayaca yanna ne guiráʼ ni runi binni cusihuinni ca ni mayaca gaca chaahuiʼ modo nabáninu (Mat. 24:​3, 7, 8; Luc. 21:​10, 11; 2 Tim. 3:​1-5).

2. 2. Qué ziuu dxi guinitilú Guidxilayú (Sal. 104:5; Ecl. 1:4).

3. 3. Zaca chaahuiʼ ra maʼ gucaná Guidxilayú riʼ (Is. 35:​1, 2; Apoc. 11:18).

4. 4. Maʼ cadi candaa guiranu zácanu binni nazaaca (Is. 33:24; 35:​5, 6).

5. 5. Zanda guibániluʼ sin qué chuʼ dxi gátiluʼ lu Guidxilayú (Sal. 37:29; Mat. 5:5).

 FAMILIA

1. 6. Naquiiñeʼ gannaxhii hombre «xheelaʼ cásica nadxii laca laa» (Efes. 5:33; Col. 3:19).

2. 7. Naquiiñeʼ gapa gunaa stale respetu xheelaʼ (Efes. 5:33; Col. 3:18).

3. 8. Cadi naquiiñeʼ gucheené hombre ne gunaa xheelaʼ (Mal. 2:16; Mat. 19:​4-6, 9; Heb. 13:4).

4. 9. Galán zieni xiiñiʼ binni pa guni respetar ne guzuubaʼ stiidxaʼ bixhoze ne jñaa (Prov. 1:​8, 9; Efes. 6:​1-3).

 DIOS

1. 10. Napa Dios lá (Sal. 83:18; Jer. 10:10).

2. 11. Napa Dios caadxi diidxaʼ risaca para laanu (2 Tim. 3:​16, 17; 2 Ped. 1:​20, 21).

3. 12. Jneza guiráʼ ni runi Dios ne biaʼca risaca guiráʼ binni nezalube (Deut. 10:17; Hech. 10:​34, 35).

4. 13. Racalaʼdxiʼ Dios gacané laanu (Sal. 46:1; 145:​18, 19).

  ORACIÓN

1. 14. Racalaʼdxiʼ Dios guni orarnu laa (Sal. 62:8; 65:2; 1 Ped. 5:7).

2. 15. Rusiidiʼ Biblia laanu ximodo guni orarnu (Mat. 6:​7-13; Luc. 11:​1-4).

3. 16. Caquiiñeʼ guni orarnu guiráʼ dxi (Mat. 7:​7, 8; 1 Tes. 5:17).

 JESÚS

1. 17. Guca Jesús ti maestru ni jma nanna gusiidiʼ ne nabé racané ca conseju stibe (Mat. 6:​14, 15, 34; 7:12).

2. 18. Maca guníʼ Jesús zadúʼyanu guiráʼ ni cazaaca tiempu riʼ (Mat. 24:​3, 7, 8, 14; Luc. 21:​10, 11).

3. 19. Jesús nga Xiiñiʼ Dios (Mat. 16:16; Juan 3:16; 1 Juan 4:15).

4. 20. Cadi Jesús nga Dios (Juan 14:28; 1 Cor. 11:3).

 REINU STIʼ DIOS

1. 21. Reinu stiʼ Dios nga ti gobiernu ni dxandíʼ ne nuuni guibáʼ (Dan. 2:44; 7:​13, 14; Mat. 6:​9, 10; Apoc. 11:15).

2. 22. Reinu stiʼ Dios nga chichuu lugar stiʼ ca gobiernu ni nuu lu Guidxilayú riʼ (Sal. 2:​7-9; Dan. 2:44).

3. 23. Reinu si stiʼ Dios nga chiguni chaahuiʼ ca guendanagana stiʼ binni (Sal. 37:​10, 11; 46:9; Is. 65:​21-23).

 YUUBAʼ

1. 24. Cadi Dios nga napa donda pur guiráʼ yuubaʼ stinu (Deut. 32:4; Sant. 1:13).

2. 25. Binidxabaʼ nga cayuni mandar guidxilayú riʼ (Luc. 4:​5, 6; 1 Juan 5:19).

3. 26. Cayuuyaʼ Dios ca yuubaʼ stiluʼ ne racalaʼdxiʼ gacané lii (Sal. 34:​17-19; Is. 41:​10, 13).

4. 27. Maʼ cadi candaa zabee Dios guiráʼ yuubaʼ (Is. 65:17; Apoc. 21:​3, 4).

 GUENDAGUTI

1. 28. Maʼ qué ganna ca ni maʼ guti ca gastiʼ ne cadi cayacanácabe (Ecl. 9:5; Juan 11:​11-14).

2. 29. Qué zanda gacané ne nin guniná ca ni maʼ guti laanu (Sal. 146:4; Ecl. 9:​6, 10).

3. 30. Zedandá dxi ziasa ca binni ni nadxiinu ni maʼ guti (Job 14:​13-15; Juan 5:​28, 29; Hech. 24:15).

4. 31. «Maʼ qué ziuuruʼ guendaguti» (Apoc. 21:​3, 4; Is. 25:8).

 RELIGIÓN

1. 32. Cadi guiráʼ diʼ religión runi ni jneza nezalú Dios (Jer. 7:11; Mat. 7:​13, 14, 21-23).

2. 33. Nanalaʼdxiʼ Dios ora rucaachiʼ tuuxa modo naca (Is. 29:13; Miq. 3:11; Mar. 7:​6-8).

3. 34. Guendarannaxhii nga ni rusihuinni gunáʼ nga religión ni dxandíʼ (Miq. 4:3; Juan 13:​34, 35).