Stale binni ni nuu lu Guidxilayú riʼ qué gapa ni gó ne qué gapa lidxi. Ne nuu de laacaʼ ni caquiiñesicaʼ nga gápacaʼ ti esperanza. ¿Ximodo zanda gacanenu xcaadxi binni ne uguu Dios ndaayaʼ laanu yaʼ?

«Ni guiá ti binni ni caquiiñeʼ tu gacané laa la? cutiiñeʼ Jehová, ne laabe zaguíxebe laa ni guni» (PROVERBIOS 19:17).

Guníʼ Jesús historia stiʼ ti hombre ni biree gubaanaʼ lú, gudíñecaʼ laabe ne sti ndaa si ñuuticaʼ laabe (Lucas 10:29-37). Ti hombre ni zidiʼdiʼ ladu que, biá laabe, bizuhuaadxí ne gucané laabe, neca de sti guidxi laa.

Cadi biʼniʼ si hombre riʼ laabe remediu ne gudixe para guiándabe, sínuque laaca bibiguetaʼ para chuʼ seguru pa maʼ bianda herida stiʼ hombre ni gucaná que.

¿Xi rusiidiʼ historia riʼ laanu? Biquiiñeʼ Jesús historia riʼ para gusiidiʼ laanu caquiiñeʼ gúninu intiica cosa para gacanenu xcaadxi binni (Proverbios 14:31). Lu Biblia ná maʼ cadi candaa zabee Dios yuubaʼ ne maʼ qué ziuu binni pobre. ¿Peru ximodo ne padxí gúnibe ni yaʼ? Sti tema ca zusiene gunáʼ nga ca ndaayaʼ ni napa Dios para lii.