Pa gastiʼ nin ti razón de pesu ni gusihuinni xi pur biaanacabe ndaaniʼ ti yoo si la? zaca ti comité judicial purtiʼ naca ni ti prueba ni cusihuinni biʼniʼ cometércabe inmoralidad sexual (1 Cor. 6:18).

Ca hermanu ni nuu lu cuerpu de ancianu, caquiiñeʼ gápacaʼ stale cuidadu para gúʼyacaʼ xi bizaaca ne pa caquiiñeʼ gaca formar ti comité judicial. Guzéʼtenu ti ejemplu, ¿ñee cayunibiáʼ ca binni ni gusi juntu riʼ para gácacaʼ novio la? ¿Ñee nuu tu maʼ bidii conseju laacabe pur modo runi tratárcabe laacabe la? ¿Xiñee gúsicabe ndaaniʼ ti yoo si yaʼ? ¿Ñee laacabe biʼniʼ planeárcabe ni la? ¿Ñee bizaaca xiixa ni cadi cabézacabe casi xiixa emergencia ni bicaa laacabe guiaanacabe ndaaniʼ ti yoo si la? (Ecl. 9:11). ¿Paraa gúsicabe yaʼ? Cumu gadxé gadxé nga modo rizaaca cada casu la? zándaca nuu xcaadxi cosa risaca ni caquiiñeʼ guicaa ca ancianu ca encuenta.

Ora maʼ biiyaʼ ca ancianu ca xipeʼ nga bizaacaʼ la? zacaacabe decisión ne zuuyacabe pa caquiiñepeʼ gaca ti comité judicial o pa coʼ.