Para ca hombrehuiiniʼ ne ca dxaapahuiiniʼ

Xiñee bireecabe ndaaniʼ Paraísu que

Modo gácani: Biyubi ti lugar ra ganda gúʼndaluʼ ne cadi guchiiñaʼ gastiʼ lii. Bixuiʼlú cayuuyaluʼ ni cayaca, cayunadiágaluʼ ni caníʼcabe ne cayuni sentirluʼ ni biʼniʼ sentir ca binni de historia ni cayuundaluʼ ca.

BIINDAʼ NI BIZAACA RIʼ (BIINDAʼ GÉNESIS 3:1-24).

Ximodo raʼbuʼ biʼniʼ sentir Eva ora bizulú caniʼné beendaʼ que laa.

_______

Cumu nánnaca Adán ne Eva bicheenecaʼ Dios, ximodo raʼbuʼ biʼniʼ sentírcabe (biindaʼ versículo 7 dede 10 sti biaje).

_______

Lu ca versículo 22 dede 24 cayeeteʼ dxi biree Adán ne Eva ndaaniʼ jardín ni guyuu Edén. Ximodo ruxuíʼluluʼ gúcani.

_______

BIINDAʼ XCAADXI DE LAANI.

Xi bicaa Eva chuulaʼdxiʼ gó cuananaxhi ni gudxi Dios laa cadi gó que (biindaʼ versículo 6 sti biaje).

_______

Xi guleza Eva nicaa gudó si cuananaxhi sti yaga que (biindaʼ versículo 4 ne 5 sti biaje).

_______

Xiñee raʼbuʼ bicaadiaga Adán ni guníʼ Eva lugar de nucaadiágabe Dios (biindaʼ versículo 6 sti biaje).

_______

Despué de bichee Adán ne Eva, ximodo guníʼ Dios zabaniné hombre xheelaʼ (biindaʼ versículo 16 sti biaje).

_______

Ximodo nánnanu maʼ cadi galán diʼ guyuu xquendaxheelaʼ Adán ne Eva despué de bicheecaʼ (biindaʼ versículo 12 sti biaje).

_______

Xi biʼniʼ Jiobá oraqueca para gaca ni maca gudixhe ique guni (biindaʼ versículo 15 sti biaje).

_______

BIQUIIÑEʼ NI BIINDALUʼ RIʼ. BICAA XI BIZIIDILUʼ DE...

... xi guendanagana rapa binni ora riuulaʼdxiʼ guni guiráʼ ni gapa gana.

_______

... xiñee riquiiñeʼ chuʼnu cuidadu ne cani ridúʼyanu.

_______

... xiñee cadi naquiiñeʼ ugáʼninu donda ique stobi ora gucheʼnu.

_______

XI JMA GUYUULÁʼDXILUʼ DE HISTORIA RIʼ NE XIÑEE.

_______