Gápanu ladxidoʼno
Gápanu ladxidoʼno
Guendaridagulisaa roʼ de chonna gubidxa stiʼ ca Testigu stiʼ Jiobá
TEMA STIʼ VIERNES
«Jiobá ruuyaʼ ni nuu ndaaniʼ ladxidóʼ binni» (1 SAMUEL 16:7)
TEMA STIʼ SÁBADU
«Purti de ndaani ladxidoʼ [binni] nga riree diidxa ni riníʼ» (MATEO 12:34)
TEMA STIʼ DOMINGU
«Biʼniʼ ni na [Jiobá] de guidubi ladxidoʼloʼ» (1 CRÓNICAS 28:9)
Biaʼ ti mil biaje rieeteʼ diidxaʼ ladxidóʼ ndaaniʼ Biblia. Peru stale biaje cadi dxandipeʼ caniʼni de ladxidóʼ binni. Xidé caniʼni yaʼ. Caniʼni modo naca binni, o cani riníʼ ique, cani runi sentir ne cani riuulaʼdxiʼ.
Yanna, xiñee naquiiñeʼ gápanu ladxidóʼ yaʼ. Dios gudxi rey Salomón gucaa ca diidxaʼ riʼ: «De guiráʼ xixé cosa ni naquiiñeʼ gápaluʼ la? jma gupa chaahuiʼ ladxidoʼloʼ, purtiʼ de laani nga zeeda guendanabani» (Proverbios 4:23). Nga runi, ni nuu ndaaniʼ ladxidoʼno zanda gacané laanu guibáninu galán yanna ne guibáninu sin qué chuʼ dxi gátinu despué. Xiñee yaʼ. Purtiʼ Dios ruuyaʼ xi nuu ndaaniʼ ladxidóʼ binni (1 Samuel 16:7). Nga runi, modo nácanu nga chigusihuinni pa zuuyaʼ Dios laanu casi ti binni «nachaʼhui» (1 Pedro 3:4).
Yanna, ximodo zanda gápanu ladxidoʼno yaʼ. Ni gunabadiidxanu riʼ zacábicabe ni lu guendaridagulisaa roʼ de chonna gubidxa ni chigapa ca testigu stiʼ Jiobá lu guidubi naca Guidxilayú ne zuzuluni lu beeu mayo. Cayuni invitardu lii cheluʼ guionnaʼ gubidxa chigaca guendaridagulisaa riʼ. * Racá zaziidiluʼ ximodo naquiiñeʼ guibániluʼ ti ganda gusiécheluʼ ladxidóʼ Jiobá Dios (Proverbios 27:11).
[Nota]
^ Para gánnaluʼ paraa jma gaxha chigaca ti guendaridagulisaa neza ra nabézaluʼ la? biyubi ni lu www.ps8318.com. Laaca zanda guiníʼneluʼ ca testigu stiʼ Jiobá ni nabeza neza ralídxiluʼ o bicaa ra nuu cani runi revista riʼ.
[Ra zeeda lá cani bidii o bisigaʼdeʼ imagen ni zeeda lu yaza 32]
Foto ni cá ladu derechu: Aus dem Fundus der MÜNCHNER OLYMPIAPARK GMBH (Múnich)
