Laadu ca testigu stiʼ Jehová rinándadu ca principiu ni zeeda lu Biblia ni caníʼ de guendaxheelaʼ ne divorcio. Dios nga gudixhe chuʼ guendaxheelaʼ ne ni racaláʼdxibe nga ñuu ca hombre ne ca gunaa ni maʼ bichaganáʼ juntu biaʼ dxi nibánicaʼ. Razón si ni rudii Biblia para ganda gacaʼ divorciar binni nga, pa guchee tobi de laacabe ra gapa relación sexual né tuuxa ni cadi xheelaʼ (Mateo 19:5, 6, 9).

 Racanedu pue. Ne raríʼ zeeda caadxi cosa ni riquiiñedu para gúnidu ni:

•   Ca publicación. Lu ca publicación stidu gatigá reeda información ni racané binni para chuʼ xquendaxheelaʼ naguidxi dede né cani ruluíʼ maʼ biaʼ qué guilaa si xquendaxheelacaʼ. Zanda gúʼyaluʼ ca tema casi, «Xi zanda guni binni ti cadi gusiaandaʼ ni bidii stiidxaʼ dxi bichaganáʼ», «Cómo perdonar» ne «Cómo recuperar la confianza perdida».

•   Ca reunión. Lu ca reunión ni rápadu guiráʼ semana, zaqueca lu ca asamblea stidu, ridúʼndadu ca conseju stiʼ Biblia ni zanda gacané cani maʼ bichaganáʼ.

•   Ca ancianu. Ca ancianu o ca binni responsable de congregación, racanécabe cani maʼ bichaganáʼ lu ni caquiiñecaʼ ra guʼndanécabe laacaʼ ca relatu stiʼ Biblia casi ni zeeda lu Efesios 5:22-25.

 Coʼ. Ca ancianu, zanda gacanécabe ca guendaxheelaʼ para guni chaahuicaʼ guendanagana sticaʼ, peru qué gápacabe derechu gábicabe laacaʼ xipeʼ gúnicaʼ (Gálatas 6:5). Peru pa cadi cudii Biblia nin ti razón para gaca divorciar binni ca ne gúnibe ni la? qué zanda diʼ gápabe xiixa privilegiu ndaaniʼ congregación (1 Timoteo 3:1, 5, 12). Ninca qué zanda ugaandabe ca requisitu ni rinabaʼ Biblia para guichaganabe stiʼ biaje.

 Biblia rudii conseju cani maʼ bichaganáʼ, cadi gusabixheelacaʼ neca gápacaʼ guendanagana (1 Corintios 7:10-16). Zanda gaca chaahuiʼ stale de ca guendanagana stícabe pa guinábacabe Dios gacané laacabe, pa gúnicabe ni ná ca principiu zeeda lu Biblia ne pa gusihuínnicabe nadxiicabe xheelacabe (1 Corintios 13:4-8; Gálatas 5:22).

 Peru, nuu xpinni Cristu maʼ bisaana xheelaʼ purtiʼ maʼ naxoopeʼ nuu guendanagana stiʼ, casi chiguidúʼyanu:

•   Qué riná xheelabe guyaanaʼ familia stiʼ (1 Timoteo 5:8).

•   Riguiñe xheelabe laabe (Salmo 11:5)

•   Rutiidiʼ xheelabe laabe lu guendanagana maca para gusaanabe de guiziidibe de Jehová. Casi pa gucaa xheelabe laabe gúnibe xiixa para gucheenebe ca ley stiʼ Dios. Xpinni Cristu ni cucaacabe laa guni ni cadi jneza ca zándaca guiníʼ ique naquiiñeʼ guixeleʼ de xheelaʼ purtiʼ «jma naquiiñeʼ uzuʼba [...] stiidxa Dios que stiidxa binni» (Hechos 5:29).