LECCIÓN 10

Bi banheza siʼlho cheʼ tzeajlho reunión lhen ka testigo ki Jeobá

BZENAGA LEN DIDZA

A chi bulidzagake lueʼ tzeajlho reunión lhen ka testigo ki Jeobá. Cheʼ benebata rheajlho nakalha rdzebilho lhetidoʼ tan tzeajlho ta nerho. Nakalha rnabe kuinloʼ: «Bi rhon ka testigo lo reunión kieke. Bixhkieʼ rsákake lé. Bixhkieʼ rhala tzaaʼ». Lo lecciónni wayedilo nákaʼ gon lueʼ yodarhi tzeajlho reunión lhen nákaʼ rzua lueʼ másrhe gago lhen Dios.

1. Bixhkieʼ rhon bayochhi yidobirha

To beneʼ bchhieʼ Biblia gneʼ bixhkieʼ rhon bayochhi yidobirha: «Ganha nekuá beneʼ zian wegonha xhen Jeobá» (Salmo 26:12). Lo dza naʼ dza ka testigo ki Jeobá lhezekan rhedobikeʼ, na lé rzuagaze lhekeʼ yatzayolaj. Doxhenthe lichhileyo, rhedobikeʼ yogoxhmán na gonke xhen Dios, golake lhen gonke oración tzaxhen. Tzaweaj rhedobikeʼ lhen beneʼ zianrhi.

2. Bi yedieloʼ lo reunión kiendo

Lo reunión kiendo rseeditoʼ Xhtidza Dios, lhezekan rzeaniakeʼ chhiadi bi rhenheinhe (blaba Nehemías 8:8). Cheʼ yedobiloʼ lhen nhetoʼ, wayediloʼ másrhe ki Jeobá lhen tazian ta chhiaʼ napeʼ. Katiʼ másrhe inezelo gakatiʼ rhekeneʼ lueʼ, másrhe seelachhilhoʼ gákalho amigo kieʼ. Lhezekan wayediloʼ nákaʼ wazeke gonhe lueʼ yodarhi na gápalho to yelaneban chhiaʼ (Isaías 48:17, 18).

3. Nákaʼ gon lueʼ yodarhi beneʼ gombhelho lo reunión

Jeobá rnabe kierha «suarha kuenda lhen kspanlachhiʼ lezaarha toyitorha na ksluerha yelarheke lhen gonrha ta chhiaʼ, sinka ksanrha tan rhedobirha» (Hebreos 10:24, 25). Lo reunión kiendo, wegombhelho beneʼ rlueke yelarheke tabalase, na kase lueʼ rheenkene gombhekeʼ másrhe ki Dios. Lhezekan yenheloʼ ta yospanlachhi lueʼ ta zaa lo Biblia (blaba Romanos 1:11, 12). Lhezekan wazeke ktzalajlho lhen beneʼ notzaganake kan beneʼ ku notzaganake chi gxhekekene gdekeʼ tzalaalha tazian tazeedi. Lení naka bala ta rhonabheʼ bixhkieʼ Jeobá rheenhene yidobirha lawenzi.

KSEEDIRHA MÁSRHE KI TANÍ

Ni uyorha nákaʼ rhonke reunión ki ka testigo ki Jeobá lhen bixhkieʼ napa kuenda gonloʼ gazelho sekelho na yidobiloʼ lhen nhetoʼ.

4. Reunión ki ka testigo ki Jeobá

Lo siglo primero, beneʼ rseedike ki Dios bedobikeʼ lawenzi na tzeanelachhikeʼ Jeobá (Romanos 16:3-5). Le ulaba Colosenses 3:16 na le ktzalaj ki taní:

Nákaʼ uyanelachhikeʼ Jeobá lo siglo primero.

Lo dza naʼ dza, ka Testigo lhezekan rhedobikeʼ lawenzi lo yoʼo ganha rheanelachhikeʼ Dios. Kuenda inezelo bi rhonke lo reunión kieke, le uyo VIDEO. Denhaʼ le uyo dibujo ki to reunión na le ktzalaj ki taní:

VIDEO: Bi rhonka testigos ki Jeobá lo Yóo ga rhedóbike (2:12)

Nákaʼ rhon tuzi kaʼ rhonke lo Salón del Reino lhen kaʼ rnhe Colosenses 3:16.
Katiʼ byolho video o dibujo, a dia ta beyolachhiloʼ másrhe ki reunión kiendo.

Le ulaba 2 Corintios 9:7 na le ktzalaj ki taní:

Bixhkieʼ ka testigo ki Jeobá be rnabake domiʼ lo reunión kieke.

Tzaxhen lhen beneʼ rseediene lueʼ, le uyo bi kseedike xhmán ni lo reunión kiendo.

Bi rheyolachhiloʼ o rdanhelho másrhe ki reunión kiendo.

A nesloʼ.

Lo jw.org weyidzelhilo noga lhen bata rhonke reunión doxhenthe lichhileyo.

Lo reunión kiendo rtzalajke, rdeke video lhen yezikarhe. Rzolho kan rheyochhi lhen to wuíla kan oración.
Tzaweaj rnabake inhe ka beneʼ nedobike.
Notheze waka guida: benebguioʼ kan nigolha, beneʼ waka lhen ka bindoʼ bingoʼ.
Lo reunión ki ka testigo ki Jeobá be rtobikeʼ domiʼ, nika ukixhake lueʼ na gaka tzoʼolho.

5. Rkin gonrha gazelho sekerha na tzeajrha reunión

Guntzakarhuʼ kuenda ki familia ki Jesús. Gzuake Nazaret, kuenda seke tzeajkeʼ Jerusalén yogo yiza bkin saake niakaze tzona dza ga naka guiaʼ. Le ulaba Lucas 2:39-42 na le ktzalaj ki taní: