Ngenga agu apai naimisa rani susi gu nga i kusi mbembedi gumerani watadu bakurearani nga gu ni asanga berãni ya rogo dungurati te. Wai ani amangapai kuti gi mbakadapai du mburuhe rii Ziazia Kekeapai re nayugo gu nyemuse du ani na ni tipa Mbori gbiati wai ani akakuti gako mbakadapai. * Mo makianga pai tipa bete agu asanahe nakura nibipa gipai re.

Waigu si aida ani mangipai na gu boro i aima kusa ni rogo dungurati? Ziazia Kekeapai naya: “Si ngia gu boro i niya ti ni wirina du ni irabari, du ni irakpihe, du ni irisikpiahe, du ni irasengahe, du ni irakpibuda, du ni irasokpekpe, ka oni kódi nga tironi na ni ya, oó, tipa ri riahe a te.” (1 AKorindo 5:11) Nibipa agu aboro “anye nga rogo ga Kristo yugopai yo ya,” Ziazia Kekeapai naya: “Ka oni adía nga ni ku gume ku tii gaoni bambu ya, ka oni apaa nga a kuti ni ya.” (2 Yoane 9-11) Si aidanga ani koditirani na agu aboro i aima kusa yo kusayo rogo dungurati tipa agu apai nga ga toro watadu gu kura asungo te. I agumba gupai rogo gu Ngbaõbambu Sinziri nga ga Mbirinvuo 15, 1981, kpewaraga 25, du rogo pa-Ngirisi nga: “Gu kungbo fugo gbua nga ‘Seneo’ ima rengba ka tona fugodagbase ki kuru rogo pa bakure yo. Ya mo boro ho naida ka tona pai wo na gu boro i aima kusa ni rogo dungurati?”

Ya mo si naida ani ne gu boro i nakusi ni rogo dungurati kusayo rogo apai yo dunduko? Ii, na si wo tipa dungu nduapai. Bambatapai nga, si nayugo gupai nga ani ni rururani kuti Fugo Mbori. Ani agianga sangba Yekova sa kinaho duhe ni taata te ono zavura ho duhe ni ni kpakara kpakaraha. Nyemuse tipa Yekova nasarani ani gisangba Yekova rogo gako andiko yo, kini ini gupai nga gako mangaapai ni ruruhe, ko nga boro nyemuse na gako andiko tipa kina gaani wenepai. (Yesaya 48:17; 1 Yoane 5:3) Uepai nga, ho ani ane gu boro i akusi ni re  ni, ani nabanda tirani gbiati dungurati ti gupai ni amangihe ki gbirisi gaani bakure na Yekova. (1 AKorindo 5:6, 7) Pa yugo ani giasangba kuti gu rugute nga ga Ziazia Kekeapai re ima rengba ka undo gu boro re. Ka ani songodi gu diaberã nga ga gu rondo nasaringbanga gu boro re, si ima rengba ka du na maapai kurii gu boro re na ki sa ni tipa ni ndu ka gbata undo be abaakumba. Ka agu aboro ni akpinyemuyo ane ni zanga kodatiyo na ni, si ima rengba ka undo ni “ni makiapa tini,” na ki bi gupai nga kerepai du ni amangihe re, na si naida ni mangipai ka karaga tini fuo Yekova.​—Ruka 15:17.

Ono na ka si du nga gumero du i nakusi ni? Gipai re ima rengba ka asada gaani du ni ruruse gbiati nyemuse koyo du Yekova ni. Wai gu si aida ani mangipai na gu gumerani i naima kusa ni rogo dungurati? Ani arengbanga ka fura ane tipa apai dunduko te, ono ani nika fura ane tipa bangiri aba gbua ue.

Ti gu kura aregbo, si rengbe kadu nga gu gumero i nakusi ni re naraka na mo kporo wa sa. Wa duhe nga pa kusa yo ni kusayo rogo dungurati akatanga gani pagume na mo te, oni ima rengba kaa manga agu apai nga ga kporo kina wai si nidu mbata. Ono tie, na gani mangapai, ni aima sia ka kata gu pagume nga ga toro naadu dagba ni na gani aborokporo. Agu aborokporo naida ka nye ni ruru yo fu Yekova, i arengbanga ka manga agu apai nga ga toro na ni te. Ni kpiapai, ka si du nga ni kinaho ti gu regbo oni amanga gu irisombori nga ga aborokporo, ni arengbanga ka fura te. Ono tie, ka si du nga tooni gude du, ga avunguru sunge du ngaha ka ruga ru. Sidu, avunguagude ima rengba ka manga mbakadapai tipa kaa wisigo Ziazia Kekeapai na gu gude re. *​—Asanza 6:20-22; 29:17.

Ti gu kura aregbo, gu gume i nakusi ni re arakanga na oni kporo wa sa te. Wa vura duhe nga oni ima rengba ka fura na ni ti kura aregbo tipa gu nyanyakipa apai nabi kporo, si naida si du ku gene. Si aidanga agu agume naida ka nye ni ruru yo fu  Yekova naagbata gene tipa kaa fura na gu gumeyo i aima kusa ni kusayo te. Kuba gure, pa ida yo ka nye ni ruru yo fu Yekova gbiati gako riigbu nasayo i kakuti gako mbakadapai tipa kusa boro rogo dungurati. Ho i amangaha ni wo, si tipa kina ga gu boro re wenepai na si ima rengba ka undo ni ni gbia undo ti gu rugute ni agbiaha re. *​—AEbere 12:11.