Bange Arimo Wai du Kurii Mbori?

SI TONA MANGASUNGE

Gu karagapai nga ga Baibiri

Ndikidi rimo Mbori ho gbua kina sa. Were du he ni kekehe rogo pa-Ebere, יהוה na dedede, i naakehe rogo Pa-Zande nga “Yekova”. * Vurube gu nebi nangia Yesaya, Mbori agumba gupai nga: “Mi nga Yekova, gere nga rimore.” (Yesaya 42:8) Gi rimo re, i mangisunge na ni wa bara 7,000 rogo gu kekeapai nibee nga ga Ziazia Kekeapai i akehe bakuru kusayo—si ima nge kisusi ai gu rimo i ayamba Mbori na ni watadu kisusi ai gu rimo i ayambaha kurii boro nitini.

Ya mo gu kura arimoho du kurii Yekova?

Wa vura duhe nga Baibiri fura tipa ndikidi rimo Yekova gbua kina sa, si namangasunge na dungu arimo nga ga sunge nga gu nasakapai tipa ko. Agi arimo du kusende re nga gu narukuba gu sunge boro amangaha na nga gu nasakapai tipa boro nayugopa wai si dunduko ni basasa ayugo pa agu asino du ti Yekova watadu gini ngbatunga boro nga ko.

Rimo nga ga sunge	Gu ba du he rogo yo	Gupai si ayugoho
Mbori Du na Tanduapai Dũ	Bambata Pai 17:1	Boro ho du ome tini wa ko te. Gu fugo pa-Ebere nga ʼEl Shad·daiʹ, du rogoyo nga “Mbori du na Tandu Apai Dũ,” i mangisunge na ni bara saba rogo Baibiri yo.
Arufa na Omega	Yugoti 1:8; 21:6; 22:13	‘Nga tonatona he na digidoho,’ nayugo gupai nga Mbori Tandu Apai Dũ aadunga ho mbata fu Yekova te na ni adunga ho a tingbafuo ko te. (Yesaya 43:10) Arufa na Omega nga tonatona gu woro afugo i akepai na ni na yangara gu woro afugo i akepai na ni rogo pa-Giriki.
Bakuru Ko	Daniere 7:9, 13, 22	Tonatona ko aadunga ti ni te; ko aima duho nyeanye kindi mbata fu ai boro watadu ai he du ti ni.—Atambuahe 90:2.
Bakusiahe	Yesaya 40:28	Ko nakusi ahe dunduko.—Yugoti 4:11
Barani	Matayo 6:9	Ko nafu unga.
Mbori	Bambata Pai 1:1	Gu boro rẽ tipa i irisi ni; du na ome Tini. Gu pa-Ebere i namangisunge na ni nga ʼElo·himʹ narukuba dungu ahe, si nayugopa gu iriso watadu kiki rẽ Yekova na ni.
Mbori ri ambori	Pa Fu Rugute ni Ue he 10:17	Gu Mbori du kurii ambori, du kia ti gu kungbo “kpiaahe” watadu kungbo ambori aboro airisoyo.—Yesaya 2:8.
Bakerepa Bayugupai	Yesaya 30:20, 21	Ko nafu agu ayugupai gbiati arugapai nafu undo.—Yesaya 48:17, 18.
Bamangi Aboro	Atambuahe 149:2	Ko nasa ahe dunduko si du ti ni.—Yugoti 4:11.
Betedi Mbori watadu Mbori Ngbarago	1 Timoteo 1:11	Ko na ngbarago ti aregbo dũ.—Atambuahe 104:31.
Bagi kpetambuahe	Atambuahe 65:2	Ko nagia ga aboro akpee nibasasa nga gu i akparaha fuko rogo idapase yo.
Mi Nga gu Nga Mi	Gate 3:14	Ko nada ni ai guhe ko aida kada ngaha tipa ka digiso gako ringbisapai. Rogo kura sasa afugo Baibiri, i sa gi fugo re a nga “Mi Nika Du Ni Ai Guhe Nika Ngba Tire” watadu “Mi Nika Du Nigu Boro Mi Aida Kadu Nga Ní.” (The Emphasised Bible, by J. B. Rotherham; New World Translation) Gi saka rogo pai yo re naundo ka saka rogo gu ndikidi rimoko yo nga Yekova i nafura tipaha rogo gu veresi ngbefuoho.—Gate 3:15.
Iraringo Mbori	Gate 34:14	Ko aidanga kura boro duho nasovura nako tipa gu iriso si aida i fuhe fu kina ko te. Rogo kura sasa afugo Baibiri i sa gi fugo re a nga ‘ko aida nga kura boro duho i afu papara gako iriso fu ni te’ na “ko naida i irisi kina ko sa.”—God’s Word Bible; New World Translation.
Nyenye Bakindo	1 Timoteo 1:17	Tonatona gako zogarago ti ni na digidoho a te.
Gbia	Atambuahe 135:5	Baira he watadu bangerekurii apai; pa AEbere ʼA·dhohnʹ na ʼAdho·nimʹ.
Gbia Rimbasa	Yesaya 1:9; ARomo 9:29,	Ko nga gbia gu bakere rimbasa rikavura nga ga amaraika watadu “Yekova nga ga arimbasa ko”—ARomo 9:29.
Bahe ki susi	Atambuahe 47:2	Ko kii pako kisusi aboro dũ.
Gu Ko du ni Ziazia Ko	Asanza 9:10	Ko ni ziazia ko kisusi (ko ni gigiri ko rogo gako mangapai yo na asinoko) ai rakiraki he.
Bamerani	Yesaya 64:8	Ko na pagbia kurii aboro nibasasa na kurii rikaaboro, kina wai du bamepere na pagbia kurii gu pere ni amehe.—ARomo 9:20, 21.
Batumo rani, Bangberani	Yesaya 41:14	Ko atumo rani watadu ka ngbe rani be ingapai na kpio vurube gu motumo nangia ga Yesu Kristo.—Yoane 3:16.
Mbia	Atambuahe 18:2, 46	Ko nga mburu bandahe na batasahe.
Batasi	Yesaya 45:21	Ko nabatasa rani be kere apai watadu kpio.
Babanda Akandoro	Atambuahe 23:1	Ko nangera angera fuo airisiko.
Gbia Mbori	Bambata Pai 15:2	Ko du na bakerepa gbia kisusi; pa AEbere ʼAdho·naiʹ.

Rimo Aba rogo Kuru Ndiko

Gu kura rimo aba kinaho rogo Baibiri du na rimo Mbori rogoho, ono anga gure nga kura arimo Mbori te.

Rimo Aba	Gu ba du he rogo yo	Gupai si ayugoho
Yekovayire	Bambata Pai 22:13, 14	“Yekova Nika Fuhe Afu.”

Gu nduapai si aida ani ini rimo Mbori ti ni na kini mangisunge na ni

Mbori nabi ndikidi rimoko nga Yekova na nyanyakipaha, mbiko ko asa gupai nga i rimisihe susi akutu ku rogo Baibiri yo.—Maraki 1:11.
Wiri Mbori nga Yesu, anyakasipa nyakapa rimo Mbori bara dunguhe. Ni kpiapai, ko akpari fu Yekova nga: “Ani írisi rimoro airisa.”—Matayo 6:9; Yoane 17:6.
Agu aboro naino rimo Mbori na kini mangisunge na ni namanga bambata diandue nga ga sonosa pabakure na Yekova. (Atambuahe 9:10; Maraki 3:16) Ngbatunga gu pagume re nasayo i gbia undo ti ga Mbori kidohe nga: ‘Bambiko wa ko aka kuti re ni nyemuse, si du mi abátasa ko ti ni; mi abánda ko, bambiko ko ini rimore.’—Atambuahe 91:14.
Baibiri nape gupai nga: “Ka i vura ya ti agu ahe ambori, watadu ngbangbaturũ yo na auru kpotosende; wa du ambori ni dungu yo, na agbia ni dungu yo.” (1 AKorindo 8:5, 6) Wa vura duhe wo, si nayugo ndikidi Mbori sa ti gu rimoko nga Yekova.—Atambuahe 83:18.

^ par. 1 Gu kura wene abawirikipai ni AEbere namangasunge gbe na gu fugo nga “Yahweh” tipa rimo Mbori.

Gu Rii-apai Nawira Gere

Mbori Agu Asanahe Baibiri Akaragapai Kuti Ni

Gere Ima Rengba a ka Ngba Tiro

AGU ASANAHE BAIBIRI AKARAGAPAI KUTI NI

https://cms-imgp.jw-cdn.org/img/p/502017121/univ/art/502017121_univ_sqr_xl.jpg

ijwbq kapi. 125

ADezire Yekova

Bange Arimo Wai du Kurii Mbori?

Gu karagapai nga ga Baibiri

Ya mo gu kura arimoho du kurii Yekova?

Rimo Aba rogo Kuru Ndiko

Gu nduapai si aida ani ini rimo Mbori ti ni na kini mangisunge na ni

Gu Rii-apai Nawira Gere

Gere Ima Rengba a ka Ngba Tiro

Da Nga Yekova?

Ya mo Mbori na Rimoko Ti Ni?

Ya mo Rimo Mbori Nga Yesu?

Mo Sanahe Tipa Wirika Baibiri