Ga Mbori Kindo nika dia agu azogarago nga ga aboro kusayo na si ki zogorago kurii kpotosende naabaha. (Daniere 2:44; Yugoti 16:14) Fuo gipai re mangi, ga Mbori Kindo nika . . .

• Dia gbegberẽ aboro kusayo, nga aguyo gayo gbangbati aimisa rani dunduko. “I aróga gbegberẽ aboro ku sa yo zegino.”—Asanza 2:22.

• Digisa avura dunduko. “[Mbori] namanga pai, vura nyasi digida kpotosende yo.”—Atambuahe 46:9.

• Ye na zugö ahe na ngbabase ku auru kpotosende. “Aboro dunduko nika raka rogo zereda tii gayo abakakue na gayo avurumo, na boro ho nika gundesi yo te.”—Mika 4:4, Good News Translation.

• Sa kpotosende ni paradizo. “Ugu-ngbii-ngume adu na ngbarago; ngatarĩrago angi na kini kusi ambumbudo.”—Yesaya 35:1, Contemporary English Version.

• Fu wene asunge fu aboro. “[Ga Mbori] siasia aboro ará zezeredi tipa gbanga rago mbiko gu mangapai nga ga beyo. I amánga nga sunge gbua te.”—Yesaya 65:21-23.

• Dia akaza kusayo. “A nga boro kporo sa ayá, ‘Mi nawoka’ te.’”—Yesaya 33:24.

• Dia gbinza tirani kusayo. “Kpotoni zámbua berewe wa ga parangani; si du wa ga agu arame nga ga parangani.”—Eyobo 33:25.

• Karaga agu aboro naima kpiko. ‘Ho agu yo ka gia fugo [Yesu] ni dunduko du rogo amurã yo, ki kuru.’—Yoane 5:28, 29.