Gobierno xtuny Dios cayony mandaryni. Mápa mer gonyni cós sacróyen ló Gudxlio. Guisuidyno tipnés cós tzaay ni gony Gobierno reʼ ló dzú ni sietra.

1. ¿Xí sony Gobierno xtuny Dios par guibany buñ sacró né gac xinésni ló Gudxlio?

Ló guerr ni laa Armagedón, Jesús ni nac Rey de Gobierno xtuny Dios sanitlóbu guirá buñ mal né guirá gobiernos ni noʼ (Apocalipsis 16:14, 16). Par ló dzúcu, sac cumplir ni ma goniʼ Dios gony: «Stidxosi tiemp, né buñ mal ma diti sioʼ» (Salmo 37:10). Jesús saquiimbu Gobierno reʼ par labúu guibanyno goxtiguie né gac xinésni ló guidopynac Gudxlio (bíil Isaías 11:4).

2. ¿Ximod sabanyno ló dzú ni sietra órni gac ni ná Dios ló Gudxlio?

Órni gony mandary Gobierno xtuny Dios, «buñ ni rony xinésni xtunyibu sac gudxlio» (Salmo 37:29). ¡Bunysi pensary ximod guibanyno ló Gudxlio órni guirá buñ gacyibu buñtzay, gandxiʼyibu Jehová né gandxiʼyibu saʼyibu! ¿Sacróyen sabanyno ja? Guirá buñ ma diti saxoʼ né guiránac buñ sabany tipzó.

3. ¿Xí galnasác guitné Gobierno xtuny Dios órni ma binitló buñ mal?

Órni ma binitló buñ mal, Jesús sac Rey por 1.000 íz. Par ló dzúcu, Jesús né 144.000 ni gony mandary né láabu sacnéyibu buñ par ma diti gacyibu buñ galkié. Órni ma bilox tiempcu Gudxlio reʼ ma nacni toib lagary móz, toib lagary ro guibany buñ nakit portín rasobyibu xiley Jehová. Órcu Jesús sonycuentbu Gobierno reʼ Bixiosbu, Jehová. Né laa Dios sac nayaani xomod diti ma goyoʼ dzú gocni (Mateo 6:9, 10). Siendxichni que Jehová rony mandary sacró né que ranbu xcudxbu. Después Jehová sanitlóbu Buñdzab né xidemony, né nitisi buñ ni diti ná guisob ni ná Gobierno xtunybu (Apocalipsis 20:7-10). Guirá ni gony Gobierno xtuny Dios sioʼni por tipzó.

 NANOY GUISUIDYNO LÁANI

4. Gobierno xtuny Dios sanitlóbu gobierno xtuny buñgudxlio

«Buñ rony mandary saʼ par gonybu mal láacabu» (Eclesiastés 8:9). Jehová saquiimbu Gobierno xtunybu par cueʼbu guirá cós mal ni noʼ ló Gudxlio.

Colgoʼol Daniel 2:44 né 2 Tesalonicenses 1:6-8, né colgooy xtiitzni:

• ¿Xí láani sony Jehová né Xiimbu, Jesús, a guirá gobiernos xtuny buñgudxlio né ni racné layibu?

• ¿Xí confianz naplo ni ma nanlo que Jehová né Jesús sonyibu xinésni ló Gudxlio?

5. Jesús nac Rey né diti noʼ chú rigaʼl láabu

Órni Jesús gony mandary ló Gobierno xtuny Dios, sonybu xidal cós par guirá buñ ni guibany ló Gudxlio. Colguibiʼ VIDEO reʼ par guisuidylo ximod bislooy Jesús que raniiny láabu gacnébu buñ né que Dios ma bidudy galnadip láabu par labúu gonybu láani.

Guirá cós ni buny Jesús órni bieed ló Gudxlio bislooyni xi láani gony Gobierno xtuny Dios ló dzú ni sietra. De guirá ni ma goniʼ Dios gony, ¿xí láani raniiny looy gac cumplir? Colgoʼol guirá textos ro ritlaa guirá ni gony Dios.

6. Gobierno xtuny Dios sacné lóono guibanyno sacróyen ló dzú ni sietra

 ¿XÍ BISUIDYLO?

Gobierno reʼ sony cumplirni guirá ni ma goniʼ Jehová. Sonybu guidopynac Gudxlio toib lagary móz ro guibany buñtzay ni gony adorar a Jehová por tipzó.

Repas

• ¿Xí láani gony Gobierno xtuny Dios par gac nayaa laa Jehová?

• ¿Xigony nandxichno que Gobierno xtuny Dios sony cumplir guirá ni ma goniʼ Dios gony?

• Guirá ni gony Gobierno reʼ, ¿xí láani más rioladxlo guibiʼlo?