LESIONY 02
La Biblia radudy esperanza lóono
Ló guidopynac Gudxlio buñ racaló galnagan ni ragoʼ nabann layibu, ni ragoʼ layibu ló galrrasaʼ né ni ratudy layibu ló galrrioʼob. ¿Ma gosaclolo scá la? Sigory cadudylo ló galrrioʼob portín caxoʼlo o por ni goity toibtica xfamilo, sigory ranabdiitzlo looy pal sioʼ dzú ma diti sioʼ guirá ndeʼ, mod rabexa la Biblia láani racnéni lóono par diti tzoʼno ló galrrasaʼ.
1. ¿Xí esperanza radudy la Biblia lóono?
La Biblia rabexa xigony nogoluʼ galnagan ló Gudxlio. Láaca raibyni lóono que galnagan diti sioʼni por tipzó né mápa mer sanitlóni. La Biblia ná ndeʼ: «Par tzoʼ ni guicaʼto ló dzú ni sietra né par gapto esperanza» (bíil Jeremías 29:11, 12). Ndeʼ racné lóono par guicalóno galnagan ló naareʼ par diti guidopy xcalnabanyno. Láaca raibyni lóono que labúu guibanyno nakit por tipzó.
2. ¿Ximod raniʼ la Biblia guibanyno ló dzú ni sietra?
La Biblia raiby lóono ndeʼ: «Ma diti sioʼ galgoity, ma diti sioʼ galnabann, nili sioʼ galrribdxaʼ nili sioʼ galrrioʼob» (bíil Apocalipsis 21:4). Ma diti sioʼ galnagan ni ratudy lóono ló galrrioʼob, ma diti sioʼ galgovin, ma diti sioʼ buñ mal, ma diti sioʼ galguitz nili galgoity. La Biblia ná que guirá buñ sabany goxtiguie por tipzó ló toib Gudxlio móz.
3. ¿Xí sacné looy par gaplo confianz ni ná la Biblia?
Xidal buñ nap confianz que sadxin dzú sabanyibu goxtiguie, per diti nanyibu pal nigolúpa sácni. La Biblia diti nacni scú, labúu gapno confianz guirá ni náni pal «nanoydiguieʼ rasuidyno láani» (Hechos 17:11). Ndeʼ sacné looy par stiplooyca ganlo pal gaplo confianz guirá ni náni.
NANOY GUISUIDYNO LÁANI
Guisuidyno xi ná la Biblia gac ló dzú ni sietra. Guisuidyno ximod esperanza reʼ cayacnéni buñ ló naareʼ.
4. La Biblia ná que sabanyno goxtiguie por tipzó
Bibiʼ xi ná la Biblia gac ló dzú ni sietra. ¿Xí láani más rioladxlo? ¿Xigony?
Colgoʼol textos ni rasetlaa xi gac ló dzú ni sietra né colgooy xtiitzni:
-
¿Rasialdó guirá textos reʼ xcalnabanylo la? Buny pensary ló xfamilo né ximiglo, ¿sacnéni layibu la?
Buny pensary que ma nabanylo ló toib Gudxlio xomod ritlaa reʼ:
|
DITI SIOʼ BUÑ... |
GUIRÁNAC BUÑ... |
|---|---|
|
|
|
|
|
|
|
|
|
|
5. Esperanza ni radudy la Biblia labúu gacnéni lóono guibanyno sacróyen
Xidal buñ rioʼob xcalnabany o radzuitz xtol guirá galnagan ni noʼ ló Gudxlio. Tipnés buñ ronyibu dada rutirigaʼlni layibu par guitzaʼyibu mod nac Gudxlio reʼ. Bibiʼ ximod cayacné la Biblia xidal buñ ló naareʼ. Colguibiʼ VIDEO reʼ né colgooy xtiitzni:
-
Mod bibiʼno ló video reʼ, ¿xí cós diti bioladx Rafika?
-
Ná diti góc xinésni, ¿ximod gocné la Biblia láabu?
Ni ná la Biblia labúu gacnéni lóono diti guireʼganno né diti guidopy xcalnabanyno órni guicalóno galnagan. Colgoʼol Proverbios 17:22 né Romanos 12:12, né colgooy xtiitzni:
-
¿Labúu gacné la Biblia looy ló naareʼ la? ¿Xigony?
TIPNÉS BUÑ NÁ: «Diti nigolú ni ná la Biblia».
-
Xpensarylo, ¿xigony nigolú rasac guisuidylo pal nigolú sac cumplir guirá ni ná la Biblia?
¿XÍ BISUIDYLO?
La Biblia ná que sabanyno goxtiguie ló dzú ni sietra, né ngú radudy esperanza lóono, né racnéni lóono par diti guireʼganno ná cacalóno galnagan.
Repas
-
¿Xigony raquiin gan buñ ni gony Dios?
-
¿Xí ná la Biblia gac ló dzú ni sietra?
-
¿Ximod labúu gacné esperanza looy ló naareʼ?
PAR GANLO MÁS
Bisuidy ximod labúu gacné esperanza looy.
«¿Pu labúu guidzelno esperanza?» (¡Despertad!, 22 de abril íz 2004)
Gon ximod esperanza ma gocnéni buñ ni caxoʼsii.
«¿Labúu gacné la Biblia lóono órni caxoʼsiino la?» (Artículo ni sieed ló jw.org)
Órni guibiʼlo video musical reʼ, buny pensary que ma noʼlo ló toib Gudxlio móz né xfamilo xomod ná la Biblia.
Bíil ximod gocné la Biblia a toib buñguieeu ni goniiny ñac xinésni.
«Ma diti caa guica guitzaʼya mod nac gudxliogoxreʼ» (Guiich ni caniʼ, 1 de july íz 2013)
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
