Looy ma bisuidylo guirá ni sieed ló follet reʼ né ndeʼ sony nadip galnadxi ni naplo a Jehová. (1 Pedro 2:2) Par labúu guibanylo tipzó raquiin guisuidylo la Biblia, modreʼ sabigaxlo ronoʼ Dios. Bíil Juan 17:3; Judas 21.

Conforma guisuidylo más de Dios, fe xtunylo sac nadipni más. Láani sacnéni looy gonylo ni rioladx Jehová. (Hebreos 11:1, 6) Ndeʼ sacné looy guisianlo guirá cós mal ni bunyloʼ né guitzálo mod nabanylo. Bíil Hechos 3:19.

Sigory saniiny looy guisuidylo stipnés buñ ni ma nanlo, portín guirá buñ rioladx gaiby stipnés diitz sacró ni ma nann. Laʼga casuidylo ni ná la Biblia, sasuidylo mod guiquiinlo láani né ximod guisienlo stipnés buñ fe ni naplo lóo Jehová, láaca sasuidylo ximod guinilo diitz sacró ni sieed de Dios. Bíil Romanos 10:13-15.

Xidal buñ rasaló raiby ximig né xfamily diitz sacró ni sieed de Dios. Raquiin guiyopylo mod gonylo láani. Xalagary gaipylo buñ que noyibu ló religión falz, más galán góoch layibu ni Dios guiduidy lóono. Láaca bisednaladx que buñ más radziguiaʼ por mod rony buñ que por mod raniʼ buñ. Bíil 2 Timoteo 2:24, 25.

Pal rasuidylo Xtiitz Dios sacnéni looy niʼslo lainy xcudx Jehová. Conforma tudy dzú, labúu guibiglo ronoʼ Dios né sacbu ximiglo. Looy labúu sioʼlo lad xcudxbu. Bíil 2 Corintios 6:18.

Labúu niʼslo más lainy xcudx Jehová pal rasuidylo Xtiitzbu. (Hebreos 5:13, 14) Gonab toibtica testigo xtuny Jehová guisuidy looy ni ná la Biblia né libro ni laa, ¿Qué enseña realmente la Biblia? Laʼga guisuidylo Xtiitz Dios, más sarebuʼ guirá ni gonylo laʼga nabanylo. Bíil Salmo 1:1-3; 73:27, 28.

Diitz sacró sieetni de Jehová, Dios ni rabaladx. Looy labúu sabiglo ronoʼbu pal radoplo né xcudxbu. (Hebreos 10:24, 25) Pal ronylo xtem por gonylo ni rioladx Jehová, sabanylo mod nainy Láabu. Scú láani, looy sabanylo tipzó. Ni looy guibigaxlo Dios ndeʼ ni más rasac gonylo. Bíil 1 Timoteo 1:11; 6:19.