¿Ximod labúu guibanylo goxt né xfamilylo?
¿Naniʼlo que raquiinni...
-
... galnadxiʼ la?
-
... bidxiich la?
-
... o stoib cós la?
NI NÁ LA BIBLIA
«¡Dichós rioʼ buñ ni racadiag xtiitz Dios né rasob láani!» (Lucas 11:28, Traducción del Nuevo Mundo.)
MOD RACNÉNI LOOY
Guidzelo ni merpa nac galnadxiʼ (Efesios 5:28, 29).
Guibanylo goxt ni noʼ respet (Efesios 5:33).
Gapló ni merpa nac confianz (Marcos 10:6-9).
¿LABÚU GUILULADXNO NI RASUIDY LA BIBLIA LA?
Scú láani, nigoreʼ nosi guisetlano chop razón:
-
Dios ngú ni gosaló family. La Biblia ná: «Guirá family [...] nasapy laa» a Jehová Dios (Efesios 3:14, 15). Labúu guinino que family noʼni portín Jehová bisaʼ láani. ¿Xigony raquiin guienno ndeʼ?
Buny pensary ló ndeʼ: Pal ñolo toib galrroníx né naniiny looy ñanlo ximod goctzayni, ¿chú láabu nanabdiitzlo? Nandxichno que nanabdiitzlo ni bunytzaay galrro reʼ.
Scúca, par gannlo ximod toib family guibany sacró raquiin guiyopylo Jehová ni bisaʼ láani (Génesis 2:18-24).
-
Dios rioʼ ló galrasaʼ por lóono. Looy né xfamilylo raquiin guiyopyto litz ni raduidy Jehová ló Xtiitzbu, la Biblia. ¿Xigony? Portín «láabu rioʼbu ló galrasaʼ por lóoto» (1 Pedro 5:6, 7). Jehová rioʼ ló galrasaʼ né guidopy xcalnabany par tzeni lóono galán. Né litz ni raduidybu, guirá ór racnéni (Proverbios 3:5, 6; Isaías 48:17, 18).
GONABDIITZ NDEʼ LOOY
¿Ximod labúu gac natzaay toib buñguieeu, buñgonaʼ o buñ ni ma noʼ xiin?
La Biblia racapy galrranabdiitz reʼ ló EFESIOS 5:1, 2 né COLOSENSES 3:18-21.
Sigory láaca sioladxlo ndeʼ
¡DESPERTAD!
Famil nakit: Galtzeʼel gacnéyibu saʼyibu
¿Nacto toib galtzeʼel o nosi nacto chop buñ ni rabés lainy toib yoʼ la?
DE LÓODO
¿Xigony guisuidyno la Biblia?
La Biblia cayacné a xidalguixo buñ ló guidopynac Gudxlio par guidzelyibu guirá galrranabdiitz ni más rony buñ. ¿Nainy looy gaclo toibtica de layibu la?
DE LÓODO
Gonab ni tzáguen looy
Bisuidy ximod rabexa la Biblia tipnés galrranabdiitz o bisuidy más de testigos xtuny Jehová.
